യാത്രകള് ചെയ്യാന് ഇഷ്ടമില്ലാത്തതായി ആരും തന്നെ ഉണ്ടാകില്ല. സ്വന്തം വീടും നാടും വിട്ട് മറ്റുസ്ഥലങ്ങളുടെ ഭംഗി ആസ്വദിക്കാനും ഒഴിവു സമയങ്ങള് ആഘോഷകരമാക്കാനുമാണ് ആളുകള് പലപ്പോഴും ഇത്തരത്തില് യാത്രകള് തിരഞ്ഞെടുക്കുന്നത്. എന്നാല് ഇങ്ങനെയുള്ള യാത്രകളില് അതിപ്പോള് ആഭ്യന്തര യാത്രയായാലും വിദേശയാത്രയായാലും ചെല്ലുന്ന ഇടങ്ങളിലെ സംസ്കാരങ്ങളോടും നിയമങ്ങളോടൊപ്പം നാം ബഹുമാനം കാണിക്കേണ്ടതുണ്ട്. എന്നാല്, പലപ്പോഴും ഇതിന് വിപരീതമായി നിരവധി സംഭവങ്ങള് നടക്കാറുണ്ട്. അത്തരത്തിലൊരു സംഭവത്തിന്റെ ദൃശ്യങ്ങളാണ് ഇപ്പോള് സോഷ്യല് മീഡിയയില് കടുത്ത വിമര്ശനങ്ങള്ക്ക് വിധേയമായിക്കൊണ്ടിരിക്കുന്നത്.
തായ്ലന്റിലെ പട്ടായ ബീച്ചില് സന്ദര്ശനത്തിനെത്തിയ ഒരു കൂട്ടം ഇന്ത്യക്കാരില് ചിലര് അവിടെ പൊതുസ്ഥലത്ത് മൂത്രമൊഴിക്കുന്നതിന്റെ ദൃശ്യങ്ങളാണ് സാമൂഹിക മാധ്യമങ്ങളില് വലിയ വിമര്ശനങ്ങള്ക്ക് ഇടയാക്കിയത്. റിപ്പോര്ട്ടുകള് പ്രകാരം, ആറോളം പേരടങ്ങുന്ന ഇന്ത്യന് വിനോദസഞ്ചാരികള് ആണ് ഇത്തരത്തില് ഒരു പ്രവൃത്തി ചെയ്തത്. 2025 ജനുവരി 16 -ന് അതിരാവിലെ ചോന് ബുരിയിലെ പട്ടായ ബീച്ചിലെത്തിയ ഇവര് ബീച്ചില് പരസ്യമായി മൂത്രമൊഴിക്കുകയായിരുന്നു. ഇവര് അപമര്യാദയായി പെരുമാറുന്നതിനിടെ, സമീപത്തുണ്ടായിരുന്ന ഒരാള് സംഭവം ചിത്രീകരിക്കുകയും സോഷ്യല് മീഡിയയില് വീഡിയോ ഷെയര് ചെയ്യുകയും ചെയ്തു.
വീഡിയോ വൈറലായതോടെ വിനോദസഞ്ചാരികളുടെ ഭാഗത്ത് നിന്നും ഉണ്ടായ അസഹനീയമായ ഈ പെരുമാറ്റം പ്രദേശവാസികള്ക്കിടയിലും മറ്റ് ടൂറിസ്റ്റുകള്ക്കിടയിലും വ്യാപകമായ അസംതൃപ്തിക്ക് കാരണമായിട്ടുണ്ട്. സംഭവം വിവാദമായതോടെ ബീച്ചില് പട്രോളിംഗ് വര്ദ്ധിപ്പിക്കാനും പ്രാദേശിക ആചാരങ്ങളെയും നിയമങ്ങളെയും കുറിച്ച് അവബോധം വളര്ത്താനും പ്രാദേശിക അധികാരികളോട് സോഷ്യല് മീഡിയ യൂസര്മാര് അഭ്യര്ത്ഥിച്ചു. തായ്ലന്ഡിലെ പ്രധാന വിനോദസഞ്ചാര കേന്ദ്രങ്ങളില് ഒന്നാണ് പട്ടായ, ഓരോ വര്ഷവും ലക്ഷക്കണക്കിന് ആളുകളാണ് ഈ മനോഹരമായ സ്ഥലം സന്ദര്ശിക്കാന് എത്തുന്നത്.
തായ്ലന്റിലെ പട്ടായ ബീച്ചില് സന്ദര്ശനത്തിനെത്തിയ ഒരു കൂട്ടം ഇന്ത്യക്കാരില് ചിലര് അവിടെ പൊതുസ്ഥലത്ത് മൂത്രമൊഴിക്കുന്നതിന്റെ ദൃശ്യങ്ങളാണ് സാമൂഹിക മാധ്യമങ്ങളില് വലിയ വിമര്ശനങ്ങള്ക്ക് ഇടയാക്കിയത്. റിപ്പോര്ട്ടുകള് പ്രകാരം, ആറോളം പേരടങ്ങുന്ന ഇന്ത്യന് വിനോദസഞ്ചാരികള് ആണ് ഇത്തരത്തില് ഒരു പ്രവൃത്തി ചെയ്തത്. 2025 ജനുവരി 16 -ന് അതിരാവിലെ ചോന് ബുരിയിലെ പട്ടായ ബീച്ചിലെത്തിയ ഇവര് ബീച്ചില് പരസ്യമായി മൂത്രമൊഴിക്കുകയായിരുന്നു. ഇവര് അപമര്യാദയായി പെരുമാറുന്നതിനിടെ, സമീപത്തുണ്ടായിരുന്ന ഒരാള് സംഭവം ചിത്രീകരിക്കുകയും സോഷ്യല് മീഡിയയില് വീഡിയോ ഷെയര് ചെയ്യുകയും ചെയ്തു.
വീഡിയോ വൈറലായതോടെ വിനോദസഞ്ചാരികളുടെ ഭാഗത്ത് നിന്നും ഉണ്ടായ അസഹനീയമായ ഈ പെരുമാറ്റം പ്രദേശവാസികള്ക്കിടയിലും മറ്റ് ടൂറിസ്റ്റുകള്ക്കിടയിലും വ്യാപകമായ അസംതൃപ്തിക്ക് കാരണമായിട്ടുണ്ട്. സംഭവം വിവാദമായതോടെ ബീച്ചില് പട്രോളിംഗ് വര്ദ്ധിപ്പിക്കാനും പ്രാദേശിക ആചാരങ്ങളെയും നിയമങ്ങളെയും കുറിച്ച് അവബോധം വളര്ത്താനും പ്രാദേശിക അധികാരികളോട് സോഷ്യല് മീഡിയ യൂസര്മാര് അഭ്യര്ത്ഥിച്ചു. തായ്ലന്ഡിലെ പ്രധാന വിനോദസഞ്ചാര കേന്ദ്രങ്ങളില് ഒന്നാണ് പട്ടായ, ഓരോ വര്ഷവും ലക്ഷക്കണക്കിന് ആളുകളാണ് ഈ മനോഹരമായ സ്ഥലം സന്ദര്ശിക്കാന് എത്തുന്നത്.
Comments