ലോകത്തെവിടെയായലും മനുഷ്യവാസമുള്ള സ്ഥലങ്ങളിലെല്ലാം കള്ളന്മാരും ഉണ്ടാകും. അതിപ്പോള്‍ വീട്ടിലായാലും പൊതുനിരത്തുകളായാലും ജാഗ്രത പാലിക്കേണ്ടത് ആവശ്യമാണ്. കാരണം നമ്മുടെ വിലപിടിപ്പുള്ള പല സാധനങ്ങളും കൊള്ളയടിക്കപ്പെട്ടെന്നവരും. ഇത്തരത്തില്‍ ഫോണും ബാഗും വാലറ്റും സ്വര്‍ണ്ണവുമൊക്കെ നഷ്ടപ്പെടുന്ന നിരവധി ആളുകളുണ്ട്. അത്തരം ഞെട്ടിക്കുന്ന സംഭവങ്ങളുടെ അനേകം വീഡിയോകള്‍ നാം സോഷ്യല്‍ മീഡിയയില്‍ കണ്ടിട്ടുണ്ടാവും. എന്തായാലും, പട്ടാപ്പകല്‍ നടന്ന അതുപോലെ ഒരു സംഭവത്തിന്റെ ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്.
@Ghar Ke Kalesh എന്ന എക്‌സ് അക്കൗണ്ടാണ് വീഡിയോ പങ്കുവച്ചിരിക്കുന്നത്. പട്ടാപ്പകല്‍ ബൈക്കിലെത്തിയ രണ്ടുപേര്‍ ഒരു പെണ്‍കുട്ടിയുടെ കയ്യില്‍ നിന്നും ഫോണ്‍ തട്ടിപ്പറിച്ച് കടന്നു കളയുന്നതാണ് വീഡിയോയില്‍ കാണുന്നത്. വീഡിയോ തുടങ്ങുമ്പോള്‍ തന്നെ കാണുന്നത് പെണ്‍കുട്ടി ഒരു വീടിന് മുമ്പില്‍ നിര്‍ത്തിയിട്ടിരിക്കുന്ന സ്‌കൂട്ടറിലിരുന്നുകൊണ്ട് ഫോണില്‍ നോക്കുന്നതാണ്. പെട്ടെന്നാണ് അതുവഴി സ്‌കൂട്ടറില്‍ രണ്ടുപേര്‍ പോകുന്നത് കാണുന്നത്. അതിലൊരാള്‍ പെണ്‍കുട്ടിയുടെ കയ്യില്‍ നിന്നും ഫോണ്‍ തട്ടിപ്പറിക്കുന്നതാണ് പിന്നെ കാണുന്നത്.
പെണ്‍കുട്ടിക്ക് എന്താണ് സംഭവിച്ചത് എന്ന് പോലും മനസിലായില്ല എന്നാണ് വീഡിയോ കാണുമ്പോള്‍ മനസിലാവുന്നത്. പെണ്‍കുട്ടി ആ ഷോക്കില്‍ തന്നെ നില്‍ക്കുന്നത് കാണാം. പിന്നീട് കുറച്ച് ദൂരം മുന്നോട്ട് നടക്കുന്നു. മറ്റൊരു പെണ്‍കുട്ടി അവര്‍ക്ക് പിന്നാലെ പോകാന്‍ തുനിയുന്നുണ്ട്. ഫോണ്‍ നഷ്ടപ്പെട്ട പെണ്‍കുട്ടി അപ്പോഴേക്കും ഒരു വാതില്‍ തുറക്കുന്നതാണ് പിന്നെ കാണുന്നത്. അവിടെ നിന്നും കുറച്ച് കുട്ടികള്‍ ഇറങ്ങുന്നതും കാണാം. എന്തായാലും, ഫോണ്‍ പോയത് തന്നെയാണ് എന്ന് ദൃശ്യങ്ങളില്‍ നിന്നും മനസിലാക്കാം.
വളരെ പെട്ടെന്നാണ് വീഡിയോയ്ക്ക് താഴെ കമന്റുകള്‍ നിറഞ്ഞ് തുടങ്ങിയത്. എന്നാലും, പെണ്‍കുട്ടി പ്രതികരിക്കാന്‍ എന്തുകൊണ്ടാണ് ഇത്ര താമസിച്ചത് എന്നതാണ് പലരുടേയും അതിശയം.
Comments