കമ്പംമെട്ട്: പത്തനംതിട്ടയില് വിവാഹസംഘത്തെ പോലീസ് മര്ദ്ദിച്ച സംഭവം വന് വിവാദമാകുന്നതിനിടയില് ഇടുക്കി കൂട്ടാറില് നിന്നും പോലീസ് മര്ദ്ദനത്തിന്റെ ദൃശ്യങ്ങള് പുറത്തുവന്നു. ഇടുക്കി കൂട്ടാറില് പുതുവത്സര ദിനത്തില് പടക്കം പൊട്ടിക്കുന്നത് കാണാന് നിന്ന ഓട്ടോഡ്രൈവറെ പോലീസ് മര്ദ്ദിക്കുന്നതിന്റെ സിസിടിവി ദൃശ്യങ്ങളാണ് സാമൂഹ്യമാധ്യമങ്ങളിലൂടെ പ്രചരിക്കുന്നത്.
കമ്പംമെട്ട് സിഐ ഷമീര് ഖാന് ഓട്ടോഡ്രൈവറായ മുരളീധരന്റെ കരണത്തടിച്ചത്. അടിയേറ്റ് നിലത്ത് വീണ മുരളീധരന്റെ ദൃശ്യങ്ങള് പുറത്തുവന്നു. മര്ദ്ദനമേറ്റ് തന്റെ പല്ല് പൊടിപ്പോയെന്നും മുരളീധരന് പറയുന്നു. ദൃശ്യങ്ങള് കിട്ടിയതോടെ ജനുവരി 16 ന് താരം പരാതിയുമായി മുമ്പോട്ട് പോകാനൊരുങ്ങുകയാണ്. സംഭവം നടന്ന് ദിവസങ്ങള്ക്ക് ശേഷമാണ് കുടുംബത്തിന് ദൃശ്യങ്ങള് കിട്ടിയത്.
വീഡിയോക്ലിപ്പ് പുറത്തുവന്നതോടെ വേഗത്തില് അന്വേഷണം നടത്തി റിപ്പോര്ട്ട് സമര്പ്പിക്കാന് ഒരുങ്ങുകയാണ് മുരളീധരന്. വീഡിയോ കണ്ട് നേരത്തേ എസ്പി ഓഫീസില് ഇക്കാര്യത്തില് പരാതി നല്കിയിരുന്നു. അതിന് പിന്നാലെ ഡിവൈഎസ്പി ഓഫീസില് പോയി മൊഴി നല്കുകയും ചെയ്തതാണ്. എന്നാല് നടപടിയൊന്നും ഉണ്ടായില്ലെന്നും കുടുംബത്തിന് ആക്ഷേപമുണ്ട്. മര്ദ്ദനം നടന്ന സ്ഥലത്ത് രാത്രിയില് മദ്യപിച്ച് വാഹനങ്ങള്ക്ക് നേരെ പടക്കം എറിഞ്ഞെന്ന പരാതി വന്നതിനെ തുടര്ന്നാണ് സി ഐ എത്തിയതെന്നാണ് പോലീസ് പറയുന്നത്.
