തിരുവനന്തപുരം: പകുതിവില തട്ടിപ്പില് തനിക്ക് പങ്കില്ലെന്ന് ബിജെപി നേതാവ് എ എന് രാധാകൃഷ്ണന്. സൈന് ഒരു തട്ടിപ്പ് സംഘടനയല്ലെന്നും 12 വര്ഷമായി സൈനൊപ്പം പ്രവര്ത്തിക്കുന്നുണ്ടെന്നും സൈനും പകുതിവില തട്ടിപ്പില് ഇരയാകുകയായിരുന്നു എന്നും പറഞ്ഞു. നാലു പതിറ്റാണ്ടായി പൊതുപ്രവര്ത്തന രംഗത്ത് ഉണ്ടെന്നും രാഷ്ട്രീയപ്രവര്ത്തനത്തിനിടയില് പലരെയും കാണാറുണ്ടെന്നും അദ്ദേഹം പറഞ്ഞു.
സൈന് സ്വതന്ത്രസ്ഥാപനമാണെന്നും എന്ജിഒ കോണ്ഫെഡറേഷനില് അംഗമല്ലെന്നും പറഞ്ഞു. സൈന് ഉദ്ഘാടനം ചെയ്തത് മന്ത്രി ആര് ബിന്ദുവാണ്. മതമേലദ്ധ്യക്ഷന്മാര്, രാജഗിരി, കിഡ്സ്, പോലീസ്, കൊച്ചിന് ദേവസ്വം ബോര്ഡ് എന്നിവയെല്ലാം അതില് അംഗമാണെന്നും അദ്ദേഹം വാര്ത്താസമ്മേളനത്തില് പറഞ്ഞു. സൈന് ഒരു ഇംപ്ലിമെന്റേഷന് ഏജന്സി മാത്രമാണെന്നും പറഞ്ഞു. കേന്ദ്രസര്ക്കാരുമായി ചേര്ന്ന് 32 തൊഴില്മേള നടത്തി. 1820 അംഗ പരിമിതര്ക്ക് ആനുകൂല്യം നല്കിയെന്നും തിരുവനന്തപുരത്ത് പഠനോപകരണം വിതരണം ചെയ്തു.
സായിഗ്രാമം ചെയര്മാന് ആനന്ദകുമാറാണ് ആശയം പങ്കിട്ടത് ആനന്ദകുമാറാണ്. ലഭിച്ച പണം മുഴുവനും കൈമാറിയെന്നും ഒരു രൂപ പോലും ഡൊണേഷന് വാങ്ങിയിട്ടില്ലെന്നും വ്യക്തമാക്കി. പോലീസ് ഹെഡ് ക്വാര്ട്ടേഴ്സില് പരിപാടി നടത്തി. കെ. സേതുമാധവന് ഐപിഎസ് പങ്കെടുത്തു. സാമ്പത്തീക സ്ഥിതിയെക്കുറിച്ച് അനേഷിച്ചപ്പോള് സിഎസ്ആര് ഫണ്ട് വന്നില്ലെന്നായിരുന്നു പറഞ്ഞത്.
