പൂനെ: മോഷണക്കേസില് ജാമ്യത്തില് ഇറങ്ങിയ പ്രതി നിര്ത്തിയിട്ടിരുന്ന ബസിനുള്ളില് യുവതിയെ ബലാത്സംഗം ചെയ്തു. പോലീസ് സ്റ്റേഷനില് നിന്ന് 100 മീറ്ററിനുള്ളില് പോലീസിന്റെ മൂക്കിന് കീഴിലായിരുന്നു സംഭവം. ഇന്ന് രാവിലെ യുവതി ബലാത്സംഗം റിപ്പോര്ട്ട് ചെയ്തതിനെ തുടര്ന്ന് പ്രതി ദത്താത്രേയ രാംദാസ് ഗഡെയ്ക്ക് വേണ്ടിയുള്ള തെരച്ചിലിലാണ് പോലീസ്.
26 കാരിയാണ് ബലാത്സംഗ ഇര. നഗരത്തിലെ ഏറ്റവും തിരക്കേറിയ സ്വര്ഗേറ്റ് ബസ് സ്റ്റാന്ഡിലാണ് ബലാത്സംഗം നടന്നത്. ഗേഡ് യുവതിയെ കബളിപ്പിച്ച് ആളൊഴിഞ്ഞ ബസില് കയറ്റി വാതില് പൂട്ടി അക്രമിക്കുമ്പോള് സമീപത്ത് ആളുകള് ഉണ്ടായിരുന്നുവെന്ന് പോലീസ് പറഞ്ഞു. സിസിടിവി ദൃശ്യങ്ങളില് പ്രതിയോടൊപ്പം യുവതി ബസിലേക്ക് നടന്നുപോകുന്നതായി കണ്ടെത്തിയിട്ടുണ്ട്.
ദൃശ്യങ്ങളില് നിന്നാണ് പോലീസ് പ്രതിയെ തിരിച്ചറിഞ്ഞത്. പുലര്ച്ചെ 5:45 ഓടെ ഫാല്ട്ടനിലേക്കുള്ള ബസ് കാത്തുനില്ക്കുകയായിരുന്നു യുവതി. എംഎസ്ആര്ടിസി ഉദ്യോഗസ്ഥര് പറയുന്നതനുസരിച്ച്, കണ്ടക്ടറാണെന്ന് അവകാശപ്പെട്ടാണ് പ്രതി ആളൊഴിഞ്ഞ ബസിലേക്ക് യുവതിയെ കയറ്റിയത്. ബസ് ശൂന്യമാണെന്ന് അവള് ചൂണ്ടിക്കാണിച്ചപ്പോള്, അതിനുള്ളില് ഉറങ്ങുന്നവരുണ്ടെന്ന് അയാള് പറഞ്ഞു.
മര്ദനത്തിന് ശേഷം യുവതി ബസില് സ്വന്തം നാട്ടിലേക്ക് പോകുകയും വഴിയില് വെച്ച് സുഹൃത്തിനോട് ഫോണില് സംഭവം വിവരിക്കുകയും ചെയ്തുവെന്ന് പോലീസ് പറഞ്ഞു. സുഹൃത്തിന്റെ ഉപദേശപ്രകാരം അവള് ബസില് നിന്നിറങ്ങി പോലീസില് പോയി വിവരം അറിയിച്ചു.
ഗഡെയെ പിടികൂടാന് എട്ട് സംഘങ്ങളെയും സ്നിഫര് നായ്ക്കളെയും പോലീസ് വിന്യസിച്ചിട്ടുണ്ട്. പൂനെയിലും തൊട്ടടുത്തുള്ള അഹല്യനഗര് ജില്ലയിലുമായി ഗാഡെയ്ക്കെതിരെ മോഷണം, കവര്ച്ച, മാലപൊട്ടിക്കല്, പിടിച്ചുപറി തുടങ്ങിയ ആറ് കേസുകള് എങ്കിലൂം രജിസ്റ്റര് ചെയ്തിട്ടുണ്ട്. കവര്ച്ചയ്ക്ക് അറസ്റ്റിലായ ഇയാള് 2019 മുതല് ജാമ്യത്തിലാണ്.
പൂനെ ജില്ലയിലെ ശിക്രപൂര്, ഷിരൂര് പോലീസ് സ്റ്റേഷന് പരിധികളില് ഇയാള്ക്കെതിരെ കേസുകള് രജിസ്റ്റര് ചെയ്തിട്ടുണ്ട്. അഹല്യനഗര് ജില്ലയിലും ഇയാള്ക്കെതിരെ ആരോപണമുണ്ട്. കഴിഞ്ഞ വര്ഷം പൂനെയില് ഇയാള്ക്കെതിരെ മോഷണക്കേസ് രജിസ്റ്റര് ചെയ്തിട്ടുണ്ട്. സംഭവം നടക്കുമ്പോള് സ്റ്റേഷന് വളപ്പില് നിരവധി ആളുകളും നിരവധി ബസുകളും ഉണ്ടായിരുന്നുവെന്ന് പാട്ടീല് സ്ഥിരീകരിച്ചു.
