മുംബൈ: അമേരിക്കയില് അപകടത്തെ തുടര്ന്ന് കോമയിലായ ഇന്ത്യന് വിദ്യാര്ത്ഥിയ്ക്ക് അരികിലെത്താന് അടിയന്തിര വിസ തേടി കുടുംബം. നിലം ഷിന്ഡെ എന്ന യുവതിയാണ് ഒരു ഫോര് വീലര് ഇടിച്ചതിനെ തുടര്ന്ന് പരിക്കേറ്റ് ചികിത്സയിലായത്. രണ്ട് ദിവസത്തിന് ശേഷമാണ് അവളുടെ വീട്ടുകാര് അപകടവിവരം അറിയുന്നത്. നെഞ്ചിലും തലയിലും ഒടിവുകളും പരിക്കുകളും സംഭവിച്ചിരിക്കുകയാണ്.
ഫെബ്രുവരി 14ന് കാലിഫോര്ണിയയിലായിരുന്നു അപകടം. നിലം ഷിന്ഡെ (35)യുടെ നില അതീവ ഗുരുതരാവസ്ഥയിലാണ്. മഹാരാഷ്ട്രയിലെ സത്താറയിലുള്ള അവളുടെ പിതാവ് അന്നുമുതല് വിസ നേടാനുള്ള ശ്രമത്തിലാണ്. കുടുംബം അറിയിച്ചതനുസരിച്ച് അവളുടെ തലച്ചോറില് ശസ്ത്രക്രിയ നടത്താന് ആശുപത്രി അനുമതി തേടി. 'ഫെബ്രുവരി 16 ന് ഞങ്ങള് അപകടത്തെക്കുറിച്ച് അറിഞ്ഞു, അന്നുമുതല് വിസയ്ക്കായി ശ്രമിച്ചു. എന്നാല് ഞങ്ങള്ക്ക് ഇതുവരെ അത് ലഭിച്ചിട്ടില്ല,' അവളുടെ പിതാവ് തനാജി ഷിന്ഡെ പറഞ്ഞു.
എന്സിപി (എസ്പി) എംപി സുപ്രിയ സുലെ കുടുംബത്തെ പിന്തുണച്ച് പോസ്റ്റ് ഇട്ടിട്ടുണ്ട്, കൂടാതെ മിസ് ഷിന്ഡെയുടെ പിതാവിന് വിസ ലഭിക്കാന് വിദേശകാര്യ മന്ത്രി എസ് ജയശങ്കറിന്റെ സഹായം അഭ്യര്ത്ഥിക്കുകയും തന്റെ എക്സ് പോസ്റ്റില് ടാഗ് ചെയ്യുകയും ചെയ്തു. ഫെബ്രുവരി 16 ന് ആയിരുന്നു നിലം ഷിന്ഡേയുടെ കുടുംബത്തെ റൂംമേറ്റ് വിവരം അറിയിക്കുന്നത്. നാലുവര്ഷമായി അമേരിക്കയില് പഠിക്കുന്ന ഷിന്ഡേ നാലാം വര്ഷമാണ് ഇപ്പോള് പഠിക്കുന്നത്. ഷിന്ഡെ നാല് വര്ഷമായി യുഎസിലുണ്ട്, അവസാന വര്ഷത്തിലാണ്.
'പോലീസ് അവളെ ആശുപത്രിയില് പ്രവേശിപ്പിച്ചു, അവളുടെ റൂംമേറ്റ്സ് ഫെബ്രുവരി 16 ന് ഞങ്ങളെ അറിയിച്ചു. അവള്ക്ക് ഒരു വലിയ അപകടമുണ്ടായെന്ന് അവര് ഞങ്ങളോട് പറഞ്ഞു.' അവളുടെ അമ്മാവന് സഞ്ജയ് കദം പറഞ്ഞു. അവളുടെ തലച്ചോറില് ഓപ്പറേഷന് ചെയ്യാന് ഞങ്ങളുടെ അനുമതി വാങ്ങി. അവള് ഇപ്പോള് കോമയിലാണ്, ഞങ്ങള് അവിടെ ഉണ്ടായിരിക്കണം,' അദ്ദേഹം കൂട്ടിച്ചേര്ത്തു.
ആശുപത്രി അവളുടെ ആരോഗ്യ അപ്ഡേറ്റുകള് ദിവസവും നല്കുന്നുണ്ടെന്നും കദം പറഞ്ഞു. പാസ്പോര്ട്ട് ഓഫീസില് വിസകള്ക്കായി സ്ലോട്ടുകള് ബുക്ക് ചെയ്യാന് ശ്രമിക്കുന്നുണ്ടെന്നും എന്നാല് അടുത്ത സ്ലോട്ട് അടുത്ത വര്ഷത്തേക്കാണെന്നും അദ്ദേഹം പറഞ്ഞു.
