തിരുവനന്തപുരം; സംസ്ഥാനത്ത് ഉയര്ന്ന താപനില മുന്നറിയിപ്പ് . 2025 ഫെബ്രുവരി 28 മാര്ച്ച് 01 തീയതികളില് കണ്ണൂര് ജില്ലയില് ഉയര്ന്ന താപനില 39 സെലഷ്യസ് വരെയും കാസര്ഗോഡ് ജില്ലയില് ഉയര്ന്ന താപനില 38 സെല്യഷ്യസ് വരെയും രേഖപ്പെടുത്തി. കോട്ടയം , കോഴിക്കോട്, മലപ്പുറം , തൃശൂര്, പാലക്കാട്, എറണാകുളം, പത്തനംതിട് ജില്ലകളില് ഉയര്ന്ന താപനില 37 സെലഷ്യസ് വരെയും തിരുവനന്തപുരം, കൊല്ലം, ആലപ്പുഴ ജില്ലകളില് ഉയര്ന്ന താപനില 36°സെലഷ്യസ് വരെയുമാണ്. ഈ ജില്ലകളില് സാധാരണയെക്കാള് 2 - 4 °സെലഷ്യസ് കൂടുതല് ഉയരാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. അതേ സമയം, കേന്ദ്ര കാലാവസ്ഥാവകുപ്പ് അടുത്ത 5 ദിവസത്തേക്കുള്ള മഴ സാധ്യത പ്രവചിച്ചു. തിരുവനന്തപുരം, കൊല്ലം, പത്തനംതിട്ട ജില്ലകളിലാണ് കേന്ദ്ര കാലാവസ്ഥാ വകുപ്പ് മഞ്ഞ അലര്ട്ട് പ്രഖ്യാപിച്ചിരിക്കുന്നത്.
