തിരുവനന്തപുരം: ബിജെപിയ്ക്ക് വിട്ടുവീഴ്ച ചെയ്തത് സിപിഎം ആണെന്നും സംഘപരിവാറുമായി സന്ധിയില്ലാ സമരം നടത്തുന്നത് രാഹുല്ഗാന്ധിയൂം കോണ്ഗ്രസുമാണെന്നും പ്രതിപക്ഷ നേതാവ് വി.ഡി. സതീശന്. ഇന്ത്യയിലെ മുഴുവന് ബിജെപി ഇതരകക്ഷികളും മോദി സര്ക്കാരിനെ ഫാസിസ്റ്റ് സര്ക്കാര് എന്ന് ഉറച്ച നിലപാട് എടുക്കുമ്പോള് ബിജെപി ഫാസിസ്റ്റുകള് അല്ലെന്ന നിലപാട് സ്വീകരിച്ചിട്ടുള്ള ഏകപാര്ട്ടി സിപിഎം ആണെന്നും ഇക്കാര്യത്തില് സീതാറാം യെച്ചൂരിയെ പോലും തള്ളിയവരാണെന്നും പ്രതികരിച്ചു.
ബിജെപിയെ എതിര്ക്കുന്നവര് തങ്ങളാണെന്ന് മേലില് കോണ്ഗ്രസ് പറയരുത് എന്ന് വിമര്ശിച്ച് ദേശാഭിമാനിയില് മുഖ്യമന്ത്രി എഴുതിയ ലേഖനത്തിനുള്ള മറുപടിയാണ് പ്രതിപക്ഷ നേതാവ് പറഞ്ഞത്. ബിജെപി ഫാസിസ്റ്റ് പാര്ട്ടിയാണെന്ന് പാര്ട്ടി ജനറല് സെക്രട്ടറിയായിരുന്ന സീതാറാം യെച്ചൂരിയുടെ നിലപാടിനെ വരെ തള്ളിക്കളഞ്ഞ സിപിഎമ്മാണ് ഇപ്പോള് തങ്ങള്ക്ക് ക്ലാസ്സ് എടുക്കുന്നതെന്നും വിമര്ശിച്ചു. ബിജെപിയെ അതിശക്തമായി എതിര്ക്കുന്നവരാണ് കോണ്ഗ്രസ്. എവിടെയാണ് രാഹുല്ഗാന്ധിയും കോണ്ഗ്രസും ബിജെപിയോട് വിട്ടുവീഴ്ച ചെയ്തതെന്നും ചോദിച്ചു.
നേരത്തേ ആഗോള നിക്ഷേപ സംഗമത്തില് കേരളത്തിലെ സ്റ്റാര്ട്ട്അപ്പുകളുടെ വളര്ച്ചാസിദ്ധാന്തം പണം നല്കി പറയിപ്പിച്ചതാണെന്ന് പ്രതിപക്ഷ നേതാവ് വി.ഡി. സതീശന്റെ ആക്ഷേപിച്ചിരുന്നു. ഇതിനായി സംസ്ഥാനസര്ക്കാര് 42 ലക്ഷത്തോളം രൂപയാണ് ഏജന്സിക്ക് വേണ്ടി മുടക്കിയതെന്നും ആരോപിച്ചു. റിപ്പോര്ട്ട് പുറത്തുവിട്ട് സ്റ്റാര്ട്ട്അപ്പ് ജെനോം എന്ന സ്ഥാപനത്തിന്റെ ഉപഭോക്താവാണ് സ്റ്റാര്ട്ടപ്പ് മിഷനെന്നും പറഞ്ഞു.
സ്റ്റാര്ട്ട് അപ്പ് ജെനോം എന്ന സ്ഥാപനത്തിന്റെ റിപ്പോര്ട്ട് വെച്ചാണ് കേരളത്തിന്റെ സ്റ്റാര്ട്ടപ്പ് ഇക്കോസിസ്റ്റം വളര്ന്നെന്ന് പറയുന്നത്. ഈ റിപ്പോര്ട്ടാണ് ഇന്വെസ്റ്റേഴ്സ് മീറ്റിലും മുഖ്യമന്ത്രി അവതരിപ്പിച്ചത്. എന്നാല് 2021 ല് 13,500 ഡോളറും 2022 ല് 4,500 ഡോളറും 2024 ല് 15,000 ഡോളറും ഉള്പ്പെടെ മൊത്തം 48,000 ഡോളറാണ് സ്റ്റാര്ട്ടപ്പ് ജെനോമിന് സര്ക്കാര് നല്കിയതെന്നും പ്രതിപക്ഷ നേതാവ് പറഞ്ഞു.
