തിരുവനന്തപുരം : ഐബി ഉദ്യോഗസ്ഥയുടെ ആത്മഹത്യയ്ക്ക് പിന്നില് പ്രണയത്തകര്ച്ചയെന്ന് പോലീസ്. മേഘയ്ക്ക് മാനസിക സംഘര്ഷം ഉണ്ടായിരുന്നതായി ബന്ധുക്കള് പറഞ്ഞു. മേഘയുടെ മരണത്തില് വിശദമായ അന്വേഷണം വേണമെന്നാണ് ആവശ്യപ്പെട്ട് ഐ ബിക്കും പേട്ട പൊലീസിനും കുടുംബം പരാതി നല്കിയിട്ടുണ്ട്. മേഘയുടെ മരണത്തില് ദുരൂഹത ആരോപിച്ച് കുടുംബം രംഗത്തെത്തിയിരുന്നു.
മേഘ ഐബിയിലെ ജോലിക്കാരനായ യുവാവുമായി അടുപ്പത്തിലായിരുന്നു. യുവാവ് ബന്ധത്തില് നിന്നും പിന്മാറിയിരുന്നു. അതിന്റെ മനോവിഷമത്തില് മേഘ ആത്മഹത്യ ചെയ്തുവെന്നാണ് പൊലീസിന്റെ നിഗമനം. തിരുവനന്തപുരം വിമാനത്താവളത്തിലെ ഐബി ഉദ്യോഗസ്ഥ മേഘയെ ഇന്നലെയാണ് മരിച്ച നിലയില് കണ്ടെത്തിയത്. എമിഗ്രേഷന് വിഭാഗത്തിലെ ഉദ്യോഗസ്ഥയായിരുന്ന മേഘ.
ഇന്നലെ ജോലി കഴിഞ്ഞ് വിമാനത്താളത്തില് നിന്നും മടങ്ങിയ മേഘയുടെ മൃതദേഹം ചാക്ക റെയില്വേ ട്രാക്കില് കണ്ടെത്തുകയായിരുന്നു.
അതേസമയം ഫോണില് വിളിച്ചിട്ട് ട്രാക്കിലേക്ക് പോയത് എന്തിനെന്ന് അറിയണമെന്നും രാവിലെ മകള് തന്നെ ഫോണില് വിളിച്ചിരുന്നുവെന്നും എന്നാല് അപ്പോള് മനസ്സില് വിഷമം ഉള്ളതായി തോന്നിയിരുന്നില്ലെന്നും പിതാവ് പറഞ്ഞു.
പത്തനംതിട്ട സ്വദേശിയാണ് മേഘ. ഫൊറന്സിക് സയന്സ് കോഴ്സ് പൂര്ത്തിയാക്കിയ മേഘ ഒരു വര്ഷം മുന്പാണ് എമിഗ്രേഷന് ഐബിയില് ജോലിയില് പ്രവേശിച്ചത്. വീടിന് സമീപത്തെ ഉല്സവത്തിനാണ് മേഘ ഒടുവില് നാട്ടിലെത്തിയത്. തിരുവനന്തപുരത്തേക്ക് വരികയായിരുന്ന ജയന്തി ജനത എക്സ്പ്രസാണ് മേഘയെ ഇടിച്ചത്. ഫോണില് സംസാരിച്ച് ട്രാക്കിലൂടെ നടക്കുകയായിരുന്ന മേഘ ട്രെയിന് വരുന്നത് കണ്ട് പെട്ടെന്ന് ട്രാക്കിനു കുറകെ തലവച്ച് കിടക്കുകയായിരുന്നു എന്നാണ് ലോക്കാ പൈലറ്റ് നല്കിയ വിവരം.
മരണം സംഭവിക്കുന്ന തലേ ദിവസം നൈറ്റ് ഡ്യൂട്ടി കഴിഞ്ഞ് വിമാനത്താവളത്തില് നിന്ന് ഇറങ്ങിയതായിരുന്നു. സംഭവ സമയം ആരോടാണ് ഫോണില് സംസാരിച്ചതെന്നാണ് പൊലീസ് പ്രധാനമായും പരിശോധിക്കുന്നത്. അപകടത്തില് മേഘയുടെ മൊബൈല് ഫോണ് പൂര്ണമായും തകര്ന്നിരുന്നു. ഇനി സൈബര് പൊലീസിന്റെ സഹായത്തോടെ വിവരങ്ങള് ശേഖരിക്കാനാണ് നീക്കം.
