പൂനെ: ഐടി ജീവനക്കാരിയായ 22 കാരി പീഡനത്തിന് ഇരയായ സംഭവത്തിലെ അന്വേഷണത്തില് നിര്ണായക വഴിത്തിരിവ്. ഡെലിവറി ഏജന്റ് എന്ന വ്യാജേന എത്തിയ ആള് അപ്പാര്ട്ട്മെന്റിലേക്കു ബലമായി കയറി ലൈംഗികമായി പീഡിപ്പിച്ചെന്നായിരുന്നു യുവതിയുടെ മൊഴി. എന്നാല് വീട്ടിലെത്തിയത് യുവതിയുടെ സുഹൃത്താണെന്നു പൊലീസ് കണ്ടെത്തി.
ഇരുവരും ഇടയ്ക്കിടെ കാണാറുണ്ടായിരുന്നെന്നു പൊലീസ് പറയുന്നു. ബുധനാഴ്ച ഫ്ളാറ്റിലെത്തിയ യുവാവ് ലൈംഗിക ബന്ധത്തിലേര്പ്പെടണമെന്ന് യുവതിയോട് ആവശ്യപ്പെട്ടു. തയാറല്ലെന്നു പറഞ്ഞപ്പോള് നിര്ബന്ധിച്ചു. ഇതില് ദേഷ്യം തോന്നിയ യുവതി, താന് പീഡനത്തിന് ഇരയായെന്ന് പരാതിപ്പെടുകയായിരുന്നെന്ന് പൊലീസ് പറഞ്ഞു. പൊലീസിന് തെറ്റായ വിവരങ്ങള് നല്കിയതായി യുവതി സമ്മതിച്ചിട്ടുണ്ടെന്നാണു വിവരം.
