സാധാരണയായി അഗ്നിപര്വ്വതങ്ങളില് നിന്ന് തീക്കനല് പോലെയാണ് ലാവ ഒഴുകുന്നത്. എന്നാല് ഇതില് നിന്നെല്ലാം വ്യത്യസ്തമായ ഒരു അഗ്നിപര്വതമുണ്ട്. ഈ അഗ്നിപര്വതത്തില് നിന്ന് സ്ഫോടനത്തിനു ശേഷം പുറത്തുവരുന്നത് കറുത്തനിറത്തില് കരിഓയില് പോലുള്ള ദ്രാവകമാണ്.
ആഫ്രിക്കന് രാജ്യമായ ടാന്സനിയയിലെ ഓല് ഡോയിന്യോ ലെംഗായ് അഗ്നിപര്വതത്തിലാണ് ഈ പ്രതിഭാസം. കാര്ബണ് അധിഷ്ഠിത ലാവ അഥവാ നാട്രോകാര്ബൊണറ്റൈറ്റ് ലാവയാണ് ഈ അഗ്നിപര്വതത്തില് നിന്നൊഴുകുന്നത്. സാധാരണ അഗ്നിപര്വതങ്ങളുടെ ലാവയ്ക്കു താപനില കൂടുതലാണ്. എന്നാല്, നാട്രോകാര്ബൊണറ്റൈറ്റ് ലാവ ഉരുകാന് ഇത്രയധികം ചൂടു വേണ്ട. 2009 ല് ഈ ലാവയില് വീണ ഒരാള് കാര്യമായി പൊള്ളലേല്ക്കാതെ രക്ഷപ്പെട്ടിരുന്നു. ഈ അഗ്നിപര്വതത്തിന് ശക്തമായി പൊട്ടിത്തെറിക്കാനുള്ള ശേഷിയുണ്ടെന്നു ശാസ്ത്രജ്ഞര് പറയുന്നു.
ലാവയില് ധാരാളം കാര്ബണ് ഡയോക്സൈഡ് അടങ്ങിയിട്ടുള്ളതും തീവ്രത കൂട്ടുന്ന ഘടകമാണ്. ഭൂമിയുടെ രണ്ടാംപാളിയായ മാന്റിലില് ധാതുക്കള് ഉരുകുന്നതാണ് ഈ സവിശേഷ ലാവയ്ക്കു കാരണം. 2962 മീറ്റര് ഉയരമുള്ള ഈ അഗ്നിപര്വതത്തിന് 2 അഗ്നിമുഖങ്ങളുണ്ട്. വടക്കുദിശയിലെ അഗ്നിമുഖത്തു നിന്നു മാത്രമാണ് ലാവ പ്രവഹിക്കുന്നത്.
Ol Doinyo Lengai in Tanzania, the "Mountain of God," erupts unique natrocarbonatite lava. This black, runny lava weathers rapidly in the rain, turning entire landscapes from black to white.pic.twitter.com/QEPN75Wuw4
— Massimo (@Rainmaker1973) July 25, 2025
