പാമ്പുകളുമായി ബന്ധപ്പെട്ട് അനേകം വീഡിയോകള് സോഷ്യല് മീഡിയയിലൂടെ വൈറലാകാറുണ്ട്. ഇപ്പോഴിതാ നടുറോഡില് കണ്ട ഒരു കൂറ്റന് പെരുമ്പാമ്പിനെ കല്ലുകൊണ്ട് അടിച്ചുകൊല്ലാന് ശ്രമിക്കുന്ന യുവാവിന്റെ വീഡിയോയാണ് വൈറലാകുന്നത്. ഹൈദരാബാദിലെ ഘാട്കേസറിനടുത്തുള്ള പ്രതാപ് സംഗാരത്താണ് സംഭവം നടന്നതെന്ന് റിപ്പോര്ട്ടുകള് പറയുന്നു. സന്ധ്യയ്ക്ക് ശേഷം അത്യാവശ്യം നേരം ഇരുട്ടിക്കഴിഞ്ഞാണ് സംഭവം നടന്നതെന്ന് വീഡിയോയില് നിന്നും വ്യക്തം.
വീഡിയോയില് റോഡ് മുറിച്ച് കടക്കാനുള്ള ശ്രമം നടത്തുകയാണ് പാമ്പ്. അത്യാവശ്യം തിരക്കുള്ള റോഡ് മുറിച്ച് കടക്കാനുള്ള പാമ്പിന്റെ ശ്രമം യാത്രക്കാരെ രണ്ട് ഭാഗത്താക്കി മാറ്റി നിര്ത്തി. വാഹനങ്ങള് പലതും റോഡിന്റെ രണ്ട് ഭാഗത്തായി നിന്നു. പെരുമ്പാമ്പ് ഏതാണ്ട് റോഡിന്റെ പകുതിയോളമെത്തിയപ്പോഴാണ് ഒരു യുവാവ് റോഡില് കിടന്നിരുന്ന ഒരു കൂറ്റന് കല്ലെടുത്ത് പാമ്പിന്റെ തല ലാക്കാക്കി എറിഞ്ഞത്. പക്ഷേ, ഉന്നം പിഴച്ചു. എങ്കിലും ഭയന്ന് പോയ പാമ്പ് റോഡി മുറിച്ച് കടക്കാതെ തിരികെ പോയി. എന്നാല് യുവാവ് പെരുമ്പാമ്പിനെ വിടാന് തയ്യാറാല്ലായിരുന്നു. അയാള് പിന്നാലെ പോയി പാമ്പിന്റെ തലയിലേക്ക് വീണ്ടും വീണ്ടും കല്ലെറിയുന്നു. എന്നാല് അയാളുടെ ഉന്നം പിഴയ്ക്കുകയും പാമ്പ് കാട്ടിലേക്ക് കയറുകയും ചെയ്യുന്നു. പാമ്പ് റോഡില് നിന്നും പിന്തിരിഞ്ഞതും വാഹനങ്ങള് ഇരുവശത്തേക്കും പോകുന്നതും വീഡിയോയില് കാണാം.
ഏതാണ്ട് അഞ്ച് വര്ഷത്തോളമായി ഒരു പെരുമ്പാമ്പ് ഗ്രാമത്തില് ഭീതി പടര്ത്തുകയാണെന്നും എന്നാല് പോലീസോ, വനം വകുപ്പോ വേണ്ട മുന്കരുതലൊന്നും എടുത്തില്ലെന്നും വീഡിയോയ്ക്ക് ഒപ്പമുള്ള കുറിപ്പില് ആരോപിച്ചു. നാട്ടുകാരുടെ പരാതി കേള്ക്കാന് അധികൃതര് തയ്യാറാകാതിരുന്നതോടെയാണ് നാട്ടുകാര് തന്നെ പാമ്പിനെ കൊല്ലാന് തീരുമാനിച്ചതെന്നും റിപ്പോര്ട്ടുകളില് പറയുന്നു. ഇന്ന് ഇന്ത്യയിലെ എല്ലാ ഗ്രാമങ്ങളിലും ഒരു പാമ്പു പിടിത്തക്കാരനായ ഒരു യൂട്യൂബര് കാണാം. അത്തരക്കാരെ വിളിച്ചാല് ഇത്തരം സ്റ്റണ്ടുകള് ഒഴിവാക്കാം മൃഗത്തിന്റെ ജീവന് രക്ഷിക്കാമെന്നും ചിലരെഴുതി.
ఘట్కేసర్ శివారులో భారీ పైథాన్ కలకలం
రాళ్లతో కొట్టి చంపేందుకు ప్రయత్నించిన యువకులు
హైదరాబాద్ – ఘట్కేసర్ పరిధిలోని ప్రతపసింగారంలో రోడ్డుపై కనిపించిన భారీ పైథాన్
కర్రలు, రాళ్లతో కొట్టి చంపడానికి ప్రయత్నించిన స్థానికులు
గత కొద్ది రోజులుగా ఊరు పొలిమేరల్లో పైథాన్ తిరుగుతుందని… pic.twitter.com/6AYX7uOg2N— Telugu Scribe (@TeluguScribe) September 22, 2025
