തിരുവനന്തപുരം: പോളിയോ വൈറസ് നിര്മ്മാര്ജനം ലക്ഷ്യമിട്ടു നടത്തുന്ന പള്സ് പോളിയോ ഇമ്മ്യൂണൈസേഷന് പരിപാടി ഒക്ടോബര് 12 ഞായറാഴ്ച്ച സംസ്ഥാനത്ത് നടക്കുമെന്ന് ആരോഗ്യവകുപ്പ് മന്ത്രി വീണാ ജോര്ജ്. 5 വയസ്സിന് താഴെയുളള കുഞ്ഞുങ്ങള്ക്കാണ് തുളളിമരുന്ന് നല്കുന്നത്. 5 വയസ്സിന് താഴെയുളള 21,11,010 കുഞ്ഞുങ്ങള്ക്ക് പ്രത്യേകം സജ്ജീകരിച്ച ബൂത്തുകള് വഴി തുളളിമരുന്ന് നല്കാനാണ് ലക്ഷ്യമിടുന്നത്. ട്രാന്സിറ്റ്, മൊബൈല് ബൂത്തുകള് ഉള്പ്പെടെ 22,383 ബൂത്തുകളാണ് പ്രവര്ത്തിക്കുക.
44,766 വോളണ്ടിയര്മാര് ബൂത്ത് പ്രവര്ത്തനങ്ങള്ക്ക് നേതൃത്വം നല്കും. എല്ലാ രക്ഷാകര്ത്താക്കളും 5 വയസ്സുവരെയുളള എല്ലാ കുഞ്ഞുങ്ങള്ക്കും പോളിയോ തുളളിമരുന്ന് നല്കി പോളിയോ നിര്മ്മാര്ജ്ജന തീവ്രയജ്ഞത്തില് പങ്കാളികളാകണമെന്ന് മന്ത്രി അഭ്യര്ത്ഥിച്ചു
