സിനിമകളിൽ നിന്നെല്ലാം അകന്ന് ഇപ്പോൾ പൂർണമായും കുടുംബ ജീവിതം ആസ്വദിക്കുകയാണ് അമല പോൾ . സിനിമയിലേക്ക് തിരിച്ചു വരാനുള്ള ആശ കൊണ്ടും, അതിനെ ചൊല്ലിയുള്ള തർക്കം കൊണ്ടും, പ്രസവിക്കാനുള്ള മടികൊണ്ടുമൊക്കെയാണ് ആദ്യ ദാമ്പത്യ ജീവിതം തകർന്നത് എന്ന് പറഞ്ഞവർക്കുള്ള മറുപടി കൂടെയാണ് ഇപ്പോഴത്തെ അമലയുടെ ജീവിതം. അത് അമല പോൾ തന്നെ പറഞ്ഞിട്ടുള്ളതുമാണ്.
ജഗദ് ദേശായിക്കൊപ്പമുള്ള തന്റെ സന്തോഷത്തോടെയുള്ള ജീവിതം എന്റെ മുൻ പങ്കാളികൾക്കുള്ള മറുപടിയാണെന്നാണ് അമല പറഞ്ഞിട്ടുള്ളത്. തന്നെ സ്നേഹിക്കുന്നവർക്കൊപ്പം എത്ര സന്തോഷത്തോടെ ജീവിക്കാൻ സാധിക്കുമെന്ന് അമല തിരിച്ചറിയുന്നു, അതിനൊപ്പം ജീവിച്ചു കാണിക്കുകയും ചെയ്യുന്നു.
അമലയുടെയും ജഗദിന്റെയും പ്രണയവും അതുപോലെ തന്നെ മുന്നോട്ടു പോകുകയാണ്. ഭാര്യയോടുള്ള തന്റെ പ്രണയം മുഴുവൻ വാക്കുകൾ നിറക്കുകയാണ് ഇപ്പോൾ ജഗദ്. അമലയുടെ പിറന്നാൾ ദിവസം അത്രയേറെ റൊമാന്റിക് ആയ ഒരു ഇൻസ്റ്റഗ്രാം പോസ്റ്റാണ് ജഗദ് പങ്കുവച്ചത്.
പിറന്നാൾ ദിവസം രാത്രിയിൽ എടുത്ത ചിത്രങ്ങൾക്കൊപ്പമാണ് ജഗദിന്റെ പോസ്റ്റ്. പ്രായം കൂടുന്തോറും നീ വീഞ്ഞ് പോലെയാണ്. നിന്റെ മാധുരവും വിലയും ഏറുന്നു, ജന്മദിനാശസകൾ എന്റെ പ്രണയമേ, നിനക്ക് എല്ലാ ആശംസകളും നേരുന്നു- എന്നാണ് ജഗദിന്റെ വാക്കുകൾ. ലവ് യു സോമച്ച്, താക്യൂ എന്ന് പറഞ്ഞ് കമന്റിൽ അമലയും എത്തി.
പിറന്നാൾ ആഘോഷത്തിന്റെ ചിത്രങ്ങൾ അമല പോളും തന്റെ പേജിൽ പങ്കുവച്ചിട്ടുണ്ട്. കുഞ്ഞിനും ജഗദിനും ഒപ്പം മനോഹരമായ ഒരു ബർത്ത് ഡേ ആയിരുന്നു ഈ വർഷം. മൂന്ന് പേരും വെക്കേഷനിലാണ്, ആഘോഷവും പ്രണയവും നിറഞ്ഞ യാത്ര. ഈ പിറന്നാളിന്റെ വൈബ് ഒട്ടും എഫേർട്ട് ഉണ്ടായിരുന്നില്ല എന്നതാണ്. ദൈവത്തിനും പ്രപഞ്ചത്തിനും ഈ സന്തോഷം തന്ന ആളുകൾക്കും നന്ദി, ഞാൻ എന്നും നന്ദിയുള്ളവളായിരിക്കും. ഏറ്റവും മികച്ച ഒരു ജന്മദിനം നൽകിയതിന് എന്റെ ഭർത്താവിനും നന്ദി- എന്നാണ് അമല പോൾ എഴുതിയത്.
