ഇന്ത്യന് ചലച്ചിത്ര ലോകത്ത് തന്റേതായ വ്യക്തിമുദ്ര പതിപ്പിച്ച അതുല്യ പ്രതിഭയാണ് മാധുരി ദീക്ഷിത്.അഭിനയമികവ് കൊണ്ടും മനംമയക്കുന്ന നൃത്തചുവടുകള് കൊണ്ടും പതിറ്റാണ്ടുകളായി പ്രേക്ഷകഹൃദയങ്ങള് കീഴടക്കിയ മാധുരി, ബോളിവുഡിന്റെ 'ധക് ധക് ഗേള്' എന്ന പേരിലാണ് അറിയപ്പെടുന്നത്.
1984-ല് 'അബോദ്' എന്ന ചിത്രത്തിലൂടെയാണ് മാധുരി വെള്ളിത്തിരയില് അരങ്ങേറ്റം കുറിച്ചത്. ആദ്യകാല ചിത്രങ്ങള് ബോക്സോഫീസില് വലിയ ചലനമുണ്ടാക്കിയില്ലെങ്കിലും, 1988-ല് പുറത്തിറങ്ങിയ 'തേസാബ്' മാധുരിയെ മുന്നിര നായികമാരുടെ നിരയിലേക്ക് ഉയര്ത്തി.
തൊണ്ണൂറുകളില് ബോളിവുഡ് അടക്കിവാണിരുന്ന മാധുരി നിരവധി സൂപ്പര്ഹിറ്റ് ചിത്രങ്ങളുടെ ഭാഗമായി.ഒരു അഭിനേത്രി എന്നതിലുപരി മികച്ചൊരു നര്ത്തകിയും റിയാലിറ്റി ഷോ ജഡ്ജും ഒക്കെയായി മാധുരി ഇന്നും സജീവമാണ്.
