ഇന്ത്യയുടെ പല ഭാഗങ്ങളിലും ഹിന്ദു പുതുവത്സരത്തിന്റെ തുടക്കം കുറിക്കുന്ന ഗുഡി പട്വ, ഉഗദി ഉത്സവത്തിന്റെ ആഘോഷത്തിലാണ് ആളുകള്. നോര്ത്തിന്ത്യയിലെ മിക്ക സെലിബ്രിറ്റികളും ഈ പുതുവത്സരത്തില് അവരുടെ സന്തോഷം, പാരമ്പര്യങ്ങൾ, ഉത്സവ നിമിഷങ്ങൾ എന്നിവയുടെ ചിത്രങ്ങള് സോഷ്യല് മീഡിയയിലൂടെ പങ്കിടുന്നുണ്ട്.
ഇപ്പോഴിതാ ഗുഡി പട്വയുടെ ശോഭയില് തിളങ്ങി നില്ക്കുന്ന ചിത്രങ്ങള് പങ്കിടുകയാണ് മാധുരി ദീക്ഷിത്. ചുവന്ന സാരിയില് ട്രഡീഷണല് സ്റ്റൈലില് തിളങ്ങി നില്ക്കുന്ന ചിത്രങ്ങളാണ് മാധുരി പങ്കിട്ടിരിക്കുന്നത്. ഫുള് സ്ലീവ് ബ്ലൗസും പരമ്പരാഗത ആന്റിക് മാലകളും വളകളും മാംഗ് ടിക്കയുമണിഞ്ഞ് തലയില് പൂവും ചൂടി ശരിക്കുമൊരു രാജ്ഞിയുടെ ലുക്കിലാണ് മാധുരി ചിത്രങ്ങളില് തിളങ്ങുന്നത്. ‘‘ഹാപ്പി ഗുഡി പട്വ...’’ എന്ന ക്യാപ്ഷന് നല്കിയാണ് മാധുരി ചിത്രങ്ങള് പങ്കിട്ടിരിക്കുന്നത്. ആരാധകര് മാധുരിയുടെ ലുക്കിന് നിരവധി കമന്റുകളാണ് കുറിക്കുന്നത്. ‘അന്നുമിന്നും ബോളിവുഡിന്റെ രാജ്ഞി തന്നെ, അപ്സരസ്സിനെപ്പോലെയുണ്ട്, ലാല് ഇഷ്ക്, എവര്ഗ്രീന് ടൈംലെസ് ബ്യൂട്ടി...’ എന്നതടക്കമാണ് കമന്റുകള്.
ഉത്സവത്തിന്റെ സത്ത കൃത്യമായി പകർത്തിയ മനോഹരമായ ഒരു വീഡിയോയും മാധുരി ദീക്ഷിത് ഇന്സ്റ്റഗ്രാം സ്റ്റോറിയിലൂടെ പങ്കുവച്ചിട്ടുണ്ട്. ശ്രദ്ധാപൂർവ്വം അലങ്കരിച്ച പരമ്പരാഗത ഗുഡിയും, പച്ച സാരിയ്ക്കൊപ്പം നാഥും സ്വർണ്ണാഭരണങ്ങളും ഉൾപ്പെടെയുള്ള ക്ലാസിക് മഹാരാഷ്ട്ര ആഭരണങ്ങളും ധരിച്ച് മാധുരി വീഡിയോയില് തിളങ്ങുന്നുണ്ട്. പൂജ താലി പിടിച്ച്, അവർ ആചാരങ്ങൾ ഭംഗിയായി നിർവഹിച്ചു, വീട്ടിൽ പരമ്പരാഗതവും ഹൃദയംഗമവുമായ ഒരു ആഘോഷത്തിന്റെ ഒരു നേർക്കാഴ്ച താരം ആരാധകർക്ക് നൽകി.
