മലയാളി സിനിമാ പ്രേക്ഷകര്ക്ക് സുപരിചിതയായ നടിയാണ് വേദിക. മലയാളം, തമിഴ്, തെലുഗ്, കന്നഡ, ഹിന്ദി തുടങ്ങി ഒട്ടേറെ ഭാഷകളിലെ സിനിമകളില് വേദിക അഭിനയിച്ചിട്ടുണ്ട്. മലയാളത്തില് വേദികയ്ക്ക് ലഭിച്ചതത്രയും മികച്ച ചിത്രങ്ങള് മാത്രമാണ്. ജെയിസ് ആന്ഡ് ആലീസ്, ശൃംഗാരവേലന്, വെല്ക്കം ടു സെന്ട്രല് ജയില്, കസിന്സ് തുടങ്ങിയ സിനിമകളാണ് വേദികയ്ക്ക് മലയാളി പ്രേക്ഷകരെ നേടിക്കൊടുത്തത്.
ഇപ്പോഴിതാ ദിലീപിനെക്കുറിച്ച് വേദിക പറഞ്ഞ വാക്കുകളാണ് ആരാധകർ ഏറ്റെടുക്കുന്നത്. തന്റെ ആദ്യ കോ സ്റ്റാർ ആണ് ദിലീപെന്നും ഒരുപാട് ഇഷ്ടമാണ് ദിലീപിനെയെന്നും പറയുകയാണ് വേദിക. ‘‘എന്റെ ഫേവറൈറ്റ് മലയാളം ആക്ടര് ദിലീപ് സര് ആണ്. എന്റെ ഫസ്റ്റ് കോ- സ്റ്റാറാണ് അദ്ദേഹം. ഹീ ഈസ് ദ ബെസ്റ്റ്. ഒരു മനുഷ്യനെന്ന നിലയിൽ അദ്ദേഹം അത്ഭുതകരമാണ്. എന്നോട് വളരെ ദയാലുവായിരുന്നു, വിനീതനായിരുന്നു, അക്ഷരാർത്ഥത്തിൽ അദ്ദേഹം എന്നോട് പറഞ്ഞത്, ‘ഒരു ആര്ട്ടിസ്റ്റിനെ റോസാപുഷ്പം പോലെയാണ് നോക്കിക്കാണേണ്ടത് എന്നാണ്. കാരണം സംവിധായകനും ടീമിനും അവരിൽ നിന്ന് വളരെയധികം വികാരങ്ങൾ പുറത്തെടുത്തെടുക്കേണ്ടതുണ്ട്. അതിനാൽ ആ കലാകാരനെ ഒരു പുഷ്പം പോലെ പരിപാലിക്കേണ്ടതുണ്ട്. അത്രയും ഭദ്രമായി അവരെ കരുതണം. വളരെ മധുരമായിരുന്നു ആ ചിന്ത. അദ്ദേഹം വളരെ ശാന്തനായ വ്യക്തിയാണ്. ‘സെന്’ എന്നൊക്കെ പറയാറില്ലേ, അതാണ് അദ്ദേഹം...’’ എന്നാണ് വേദിക ദിലീപിനെക്കുറിച്ച് പറഞ്ഞത്. ശൃംഗാരവേലൻ, വെൽക്കം ടു സെൻട്രല് ജയിൽ എന്നീ ചിത്രങ്ങളിലാണ് ദിലീപും വേദികയും ഒരുമിച്ചഭിനയിച്ചിട്ടുള്ളത്.
ആരാധകര് ഒന്നടങ്കം കാത്തിരുന്ന ജയസൂര്യ-മിഥുന് മാനുവല് കോമ്പോയിലെ ആട് 3 എന്ന സിനിമയിലാണ് വേദിക അവസാനമായി അഭിനയിച്ചത്. ചിത്രത്തിലെ സുല്ത്താന് എന്ന ഗാനത്തില് ഐറ്റം ഡാന്സില് വേദികയുടെ പെര്ഫോമന്സ് ഏറ്റെടുക്കുകയാണ് ആരാധകര്. മലയാളത്തിലേക്കുള്ള താരത്തിന്റെ തിരിച്ചുവരവിനായി ഏറെനാളായി ആരാധകര് ആഗ്രഹിക്കുന്നുണ്ടായിരുന്നു.
