തിരുവനന്തപുരം: വികസന കാര്യത്തില് പിണറായി വിജയനുമായി സംവാദത്തിനാണ് താല്പ്പര്യമെന്നും പിണറായിക്ക് വേണ്ടി ശിവന്കുട്ടി ആ വെല്ലുവിളി ഏറ്റെടുക്കരുതെന്ന് ബിജെപി സംസ്ഥാന അദ്ധ്യക്ഷന് രാജീവ് ചന്ദ്രശേഖര്.
പത്തുവര്ഷം മുമ്പ് എല്ലാം ശരിയാക്കുമെന്ന് ആള്ക്കാര്ക്ക് വാഗ്ദാനം നല്കിയത് മുഖ്യമന്ത്രിയായിരുന്നു. പത്തുവര്ഷം കഴിഞ്ഞപ്പോള് അദ്ദേഹം എന്തെല്ലാം ചെയ്തു എന്നതാണ് ചര്ച്ച ചെയ്യേണ്ടതെന്നും ഒരു ഗൗരവമേറിയ വികസന ചര്ച്ചയ്ക്ക് താന് തയ്യാറാണെന്നും അത് നടത്തേണ്ടത് മുഖ്യമന്ത്രിക്കൊപ്പമാണെന്നും പറഞ്ഞു. ആദ്യം ഇവിടെ വരേണ്ടത് മാറിമാറി ഭരിച്ച കോണ്ഗ്രസിന്റെയും സിപിഐഎമ്മിന്റെയൂം നേതാക്കന്മാരാണ്. അവര് ജനങ്ങള്ക്ക് മുന്നിലെത്തി അവസരം കിട്ടിയപ്പോള് എന്തെല്ലാം ചെയ്തു. എന്തുകൊണ്ട് ചില കാര്യങ്ങള് ചെയ്തില്ല എന്നെല്ലാം പറയണം.
അതിന് പകരം എല്ലായിടത്തും തെരഞ്ഞെടുപ്പിന് മുമ്പ് ഗിമ്മിക്ക് കാണിച്ചും വിവാദം സൃഷ്ടിച്ചും നില്ക്കാനാകില്ലെന്നും പറഞ്ഞു. താന് ശിവന്കുട്ടിയുടെ ചര്ച്ചയിലോ ഡീല് ആരോപണത്തിലോ ഇന്കം ടാക്സിന്റെയോ ട്രാപ്പില് വീഴാന് ഉദ്ദേശിക്കുന്നില്ല. നാടിന്റെയൂം നാട്ടുകാരുടേയും ഭാവിയില് ചര്ച്ച നടത്താന് തയ്യാറുണ്ടെങ്കില് പിണറായി വിജയന് ഇറങ്ങണം. കോണ്ഗ്രസുമായും ഇതേ ചര്ച്ചയ്ക്ക് ഒരുക്കമാണ്. അവിടെ ആരാണ് മുഖ്യമന്ത്രിയാകുക എന്നറിയില്ല. കോണ്ഗ്രസ് ആരെ നേതാവായി പ്രഖ്യാപിച്ചാലും അവരുമായി വികസനത്തെക്കുറിച്ച് ഒരു ചര്ച്ചയ്ക്ക് തയ്യാറാണെന്നും പറഞ്ഞു. ഈ തെരഞ്ഞെടുപ്പ് ആ വികസനത്തെക്കുറിച്ച് ആയിരിക്കണം. ഡീലിനെക്കുറിച്ച് ആയിരിക്കരുതെന്നും പറഞ്ഞു.
എസ്ഡിപിഐ യുടെ വോട്ട് സ്വീകരിക്കാമെന്ന് ഇപ്പോള് ശിവന്കുട്ടിയുടെ വാദം. ജമാ അത്തെ ഇസ്ളാമിയുടേയും പിഡിപിയുടേയും വോട്ട് സ്വീകരിക്കാമെന്ന് കോണ്ഗ്രസും പറയുന്നു. നേരത്തേ ഇരുവരും ഈ കൂട്ടുകെട്ട് പറഞ്ഞ് പരസ്പരം ആരോപണം ഉന്നയിച്ചവരാണ്. ഇപ്പോള് അവരുമായി കൂട്ടുകെട്ട് ആകാമെന്നും പറയുന്നു. ഇതാണ് തങ്ങള് സിപിഐഎമ്മും കോണ്ഗ്രസും ഒന്നാണെന്ന് ആദ്യം മുതല് പറയുന്നത്. അതിപ്പോള് തെളിഞ്ഞിരിക്കുകയാണ്. ആരാണ് ശക്തനായ സ്ഥാനാര്ത്ഥിയെന്നും ദുര്ബ്ബലനെന്നും തീരുമാനിക്കുന്നത് ജനങ്ങളാണ്. ജനങ്ങളെ സ്നേഹിക്കുന്ന അഹങ്കരമില്ലാത്ത എംഎല്എ മാരെയാണ് ആവശ്യമെന്നും ബിജെപി സംസ്ഥാന അദ്ധ്യക്ഷന് പറഞ്ഞു.
പത്തുവര്ഷമായി നേമത്ത് ഒരു എംഎല്എ ചെയ്തത് എന്താണ്. വെറുതേ വിവാദമുണ്ടാക്കുക മാത്രമാണ് ചെയ്തിരിക്കുന്നത്. മന്ത്രാലയത്തില് നിന്നും ആള്ക്കാരെ തെരഞ്ഞെടുപ്പ കമ്മീഷനില് ചേര്ക്കുക. വേണ്ടെന്ന് പറഞ്ഞ എസ്ഡിപിഐ യുടെ വോട്ട് സ്വാഗതം ചെയ്യുക, ഡീല് വിവാദം എന്നിവയെല്ലാമാണ്. വികസനത്തേക്കുറിച്ച് ഒരു വാക്കും പറയാതെ ഈ രണ്ടു പാര്ട്ടികളെയും കേട്ട് ജനങ്ങള്ക്ക് മടുത്തെന്നും പറഞ്ഞു.
