സുന്ദര്ദാസ് സംവിധാനം ചെയ്ത് ദിലീപ്, മഞ്ജു വാര്യര്, മനോജ് കെ.ജയന് എന്നിവര് കേന്ദ്രകഥാപാത്രങ്ങളായി എത്തിയ സിനിമയായിരുന്നു ‘സല്ലാപം’. മുപ്പതു വര്ഷങ്ങള്ക്ക് മുമ്പ് പ്രേക്ഷകര്ക്ക് മുന്നിലെത്തിയ ഈ ചിത്രം സിനിമ സല്ലാപം ഇറങ്ങിയിട്ട് മുപ്പത് വർഷം തികയുകയാണ്. ദിലീപിന്റെ സിനിമ ജീവിതത്തിൽ വഴിത്തിരിവായ ചിത്രം, മഞ്ജു വാര്യർ, കലാഭവൻ മണി തുടങ്ങിയവരുടെ ഉദയങ്ങൾക്ക് കാരണമായ ചിത്രം എന്നിങ്ങനെ നിരവധി പ്രത്യേകതകള് ഈ സൂപ്പര്ഹിറ്റ് സിനിമയ്ക്കുണ്ട്.
ഇപ്പോഴിതാ ഈ സിനിമയില് കേന്ദ്രകഥാപാത്രമായിരുന്ന മനോജ് കെ. ജയന് പങ്കിട്ട പോസ്റ്റാണ് ആരാധകര് ഏറ്റെടുക്കുന്നത്. ‘സല്ലാപം’ സിനിമ പ്രദർശനം ആരംഭിച്ച് രണ്ടാം വാരത്തിലേക്ക് എത്തിയപ്പോൾ ആ സന്തോഷം പ്രകടിപ്പിച്ച് അന്ന് അണിയറപ്രവർത്തകർ നൽകിയ പത്ര പരസ്യത്തിന്റെ കട്ടിങുകളാണ് മനോജ് കെ ജയൻ പോസ്റ്റ് ചെയ്തിരിക്കുന്നത്. മഞ്ജുവും ദിലീപും മനോജുമാണ് അന്ന് പത്രത്തിൽ വന്ന പരസ്യത്തിൽ ഉണ്ടായിരുന്നത്.
‘‘പൊന്നിൽ കുളിച്ചു നിന്ന ആ ചന്ദ്രികാവസന്തത്തിന് ഇന്നേക്ക് 30 വയസ്സ്... ‘സല്ലാപം’ @ 30...’’ എന്ന ക്യാപ്ഷന് നല്കിയാണ് മനോജ് കെ. ജയന് സന്തോഷം പങ്കിട്ടിരിക്കുന്നത്. നിരവധി ആരാധകരാണ് പോസ്റ്റിനു താഴെ ആശംസകള് കമന്റുകളിലൂടെ കുറിച്ചിരിക്കുന്നത്.
