ഇന്ത്യന് വിപണിയില് പുതിയ സ്മാര്ട്ട്ഫോണ് അവതരിപ്പിക്കാന് ഒരുങ്ങി റിയല്മി. റിയല്മി 16 5G എന്ന് പേരുള്ള സ്മാര്ട്ട്ഫോണ് ഏപ്രില് 2 ന് ഇന്ത്യന് വിപണിയില് ലോഞ്ച് ചെയ്യുമെന്ന് കമ്പനി അറിയിച്ചു. റിയല്മിയുടെ ഔദ്യോഗിക പോര്ട്ടലില് ഈ ഹാന്ഡ്സെറ്റിനെക്കുറിച്ചുള്ള വിശദാംശങ്ങള് വെളിപ്പെടുത്തിയിട്ടുണ്ട്. ബജറ്റ് ഫ്രണ്ട്ലി വിലയില് മികച്ച പെര്ഫോമന്സ് ആഗ്രഹിക്കുന്നവര്ക്കായിട്ടാണ് റിയല്മി ഈ മോഡല് അവതരിപ്പിക്കുന്നത്.
റിയല്മി 16 5G ഇന്ത്യയിലെ ആദ്യത്തെ സെല്ഫി മിറര് ഫോണാണെന്ന് കമ്പനി അവകാശപ്പെടുന്നു. പിന് പാനലിലെ ക്യാമറ സെന്സറിന് സമീപം ഒരു പ്രതിഫലന കണ്ണാടിയാണ് ഇതിലുള്ളത്. ഇത് ഉപയോക്താക്കള്ക്ക് പിന് ക്യാമറ സജ്ജീകരണം ഉപയോഗിച്ച് സെല്ഫികള് എടുക്കാന് പ്രയോജനപ്പെടുന്നു. 6.72 ഇഞ്ച് വലിപ്പമുള്ള Full HD+ ഡിസ്പ്ലേ. സുഗമമായ ഉപയോഗത്തിന് 120Hz റിഫ്രഷ് റേറ്റ് ഇതില് നല്കിയിട്ടുണ്ട്. വേഗതയേറിയ 5G കണക്റ്റിവിറ്റിക്കായി MediaTek Dimensity 6300 ചിപ്സെറ്റാണ് ഇതില് ഉപയോഗിക്കുന്നത്. ഇത് ഗെയിമിംഗിനും മള്ട്ടിടാസ്കിംഗിനും അനുയോജ്യമാണ്.
ഗൂഗിള് പിക്സല് 10 സീരീസിന് സമാനമായ ഒരു തിരശ്ചീന ക്യാമറ അലൈന്മെന്റ് ആണ് റിയല്മി 16 ലും ഉള്ളത്. ഈ റിയല്മി ഹാന്ഡ്സെറ്റില് 50MP പ്രധാന ക്യാമറ സെന്സറും വൃത്താകൃതിയിലുള്ള എല്ഇഡി ഫ്ലാഷ്ലൈറ്റും ഉണ്ട്. കൂടാതെ സെല്ഫികള്ക്കായി 50MP മുന് ക്യാമറയും ലഭ്യമാണ്. കമ്പനി സെല്ഫി മിറര് എന്ന് പേരിട്ടിരിക്കുന്ന പിന് പാനലിലെ ക്യാമറയ്ക്ക് സമീപം ഒരു പ്രതിഫലന വൃത്താകൃതിയിലുള്ള പ്രതലം നല്കിയിട്ടുണ്ട്. ഇത് ഉപയോക്താക്കള്ക്ക് പിന് ക്യാമറ ഉപയോഗിച്ച് ഉയര്ന്ന നിലവാരമുള്ള സെല്ഫികള് എടുക്കാന് സാധിയ്ക്കുന്നു.
5000mAh കരുത്തുള്ള ബാറ്ററി. വേഗത്തില് ചാര്ജ് ചെയ്യാന് 45W സൂപ്പര്വൂക്ക് (SUPERVOOC) ഫാസ്റ്റ് ചാര്ജിംഗ് സൗകര്യം. 6GB/8GB റാം (RAM), 128GB ഇന്റേണല് സ്റ്റോറേജ്. കൂടാതെ മൈക്രോ എസ്ഡി കാര്ഡ് ഉപയോഗിച്ച് സ്റ്റോറേജ് വര്ദ്ധിപ്പിക്കാനും സാധിക്കും. പൊടിയെയും വെള്ളത്തെയും പ്രതിരോധിക്കാന് IP54 റേറ്റിംഗ് ഇതിനുണ്ട്. ഇന്ത്യയില് ഏകദേശം 12,000 മുതല് 15,000 വരെയുള്ള പ്രൈസ് റേഞ്ചിലാണ് ഈ ഫോണ് പ്രതീക്ഷിക്കുന്നത്. ഓഫറുകള് അനുസരിച്ച് ഇതില് മാറ്റം വരാം.
