ബോളിവുഡിൽ ശ്രദ്ധേയമായ കഥാപാത്രങ്ങളിലൂടെ പ്രേക്ഷകഹൃദയം കവർന്ന താരമാണ് പരിണീതി ചോപ്ര. കസിന് സിസ്റ്റസായ പ്രിയങ്ക ചോപ്രയുടെ ലേബലിലാണ് ബോളിവുഡില് എത്തിയതെങ്കിലും ആദ്യ സിനിമയിലൂടെ തന്നെ തന്റേതായ ഇടം നേടിയെടുക്കാന് പരിണീതിക്ക് കഴിഞ്ഞു. ബി ടൗണില് മികച്ച കഥാപാത്രങ്ങള് അവതരിപ്പിച്ച് തിളങ്ങി നില്ക്കുമ്പോഴാണ് ആം ആദ്മി പാർട്ടി നേതാവും രാജ്യസഭാംഗവുമായ രാഘവ് ഛദ്ദയെ പരിണീതി പ്രണയിച്ചതും വിവാഹം ചെയ്തതും.
സോഷ്യല് മീഡിയയിലൂടെ എല്ലാ വിശേഷങ്ങളും പങ്കിടാറുള്ള താരദമ്പതിമാര് തങ്ങളുടെ കുഞ്ഞുലോകത്തേക്ക് പുതിയ അതിഥിയെത്തിയ സന്തോഷവും അതിലൂടെ പങ്കിട്ടിരുന്നു. ഒക്ടോബർ 19നാണ് ഇവര്ക്ക് മകന് ജനിച്ചത്. നീര് എന്നാണ് ഇവര് മകന് നല്കിയ പേര്.
ഇപ്പോഴിതാ പിതൃത്വ അവധി നിയമപരമായ അവകാശമാക്കുന്നതിനെക്കുറിച്ചുള്ള ചർച്ച പാർലമെന്റിൽ ഉന്നയിച്ച ഭർത്താവ് രാഘവ് ഛദ്ദയെക്കുറിച്ച് അഭിമാനത്തോടെയുള്ള കുറിപ്പ് പങ്കിടുകയാണ് പരിണീതി ചോപ്ര. രാഘവ് ചിന്താശേഷിയുള്ള നേതാവും പ്രായോഗിക പിതാവുമാണെന്ന് വിശേഷിപ്പിച്ചുകൊണ്ട്, ഇരുവരും പങ്കിട്ട രക്ഷാകർതൃത്വത്തെക്കുറിച്ചുള്ള രാഘവിന്റെ നിലപാടിനെ പ്രശംസിച്ചുകൊണ്ടാണ് പരിണീതിയുടെ ഹൃദയംഗമമായ കുറിപ്പ്.
‘‘എന്റെ പ്രിയപ്പെട്ട ഭർത്താവേ,
ഒരു എംപി എന്ന നിലയിൽ മാത്രമല്ല, എല്ലാ ദിവസവും കാണുന്ന ഒരു അച്ഛൻ എന്ന നിലയിലും നിങ്ങൾ ഇന്ന് സംസാരിച്ചു...
ഞങ്ങൾ ഇത് പലതവണ ചർച്ച ചെയ്തിട്ടുണ്ട്. ഞങ്ങളുടെ കുഞ്ഞ് രണ്ട് മാതാപിതാക്കളുടെയും സാന്നിധ്യം അവരുടെ കഴിവിന്റെ പരമാവധി എങ്ങനെ അർഹിക്കുന്നു...
അതിനാൽ ഇന്ന് നിങ്ങൾ സംസാരിച്ചപ്പോൾ, അത് വെറും നയമായിരുന്നില്ല. നിങ്ങൾ ഞങ്ങളുടെ കുട്ടിയെ വളർത്തുന്ന രീതിയിൽ നിന്നാണ് ഇത് നിർമ്മിച്ചത്... ചോദിക്കാതെ നിങ്ങൾ കാണിക്കുന്ന രീതിയിൽ, രക്ഷാകർതൃത്വം പങ്കിടപ്പെടുന്നതാണ് അല്ലാതെ നിയോഗിക്കപ്പെടുന്നില്ലെന്ന് മനസ്സിലാക്കുന്ന രീതിയിൽ നിന്നാണ് ഇത് നിർമ്മിച്ചത്.
‘ഒരു കുട്ടി ജനിക്കുമ്പോൾ,
അമ്മ മാത്രമല്ല
ഒരു അച്ഛനും കൂടി ജനിക്കുന്നു....’
ഈ ഉത്തരവാദിത്തം ഒറ്റയ്ക്ക് വഹിക്കുന്ന നിരവധി അമ്മമാരുണ്ട്, പലപ്പോഴും കേൾക്കാത്തതും കാണാത്തതും. അച്ഛന്റെയും കുടുംബത്തിന്റെയും പിന്തുണ നഷ്ടപ്പെട്ട വീടുകൾ. ഇന്ന്, നിങ്ങൾ അവരുടെ ഏകാന്തത പാർലമെന്റിലേക്ക് കൊണ്ടുവന്നു, അത് ശരിക്കും പ്രാധാന്യമുള്ള ഒരു മുറിയിലേക്ക്...
ഇത് കുറച്ച് മാതാപിതാക്കൾക്ക്, പ്രത്യേകിച്ച് അമ്മമാർക്ക് കൂടുതൽ പിന്തുണ അനുഭവപ്പെടാൻ സഹായിച്ചാൽ, അത് ഞങ്ങൾക്ക് ഒരു വിജയമായിരിക്കും....
അച്ഛനായതിനും, നേതാവായതിനും നന്ദി. ഞാൻ അത് എല്ലാ ദിവസവും കാണുന്നു, ഇനി ഇന്ത്യയും അത് കാണും.
എപ്പോഴും അഭിമാനിക്കുന്നു, എന്റെ രാഗൈ....’’ എന്നാണ് രാഘവിന്റെ ചര്ച്ച പങ്കിട്ട് പരിണീതി കുറിച്ചത്. നിരവധി പേരാണ് രാഘവിന്റെ അഭിപ്രായത്തെ പിന്തുണച്ചും വളരെ കൃത്യമായി മനസ്സിലാക്കിയെന്നും കുറിച്ച് കമന്റുകളിടുന്നത്. പാർലമെന്റിൽ രാഘവ് ഉന്നയിച്ച ഈ ആശയത്തെ നിരവധി പേര് പിന്തുണയ്ക്കുന്നുണ്ട്. ഒരു നേതാവ് എന്നതിലുപരി ഒരു അച്ഛന് കൂടിയായതു കൊണ്ടാണ് രാഘവിനിത് നിസംശയം പറയാനായത് എന്നാണ് പലരും കുറിക്കുന്നത്.
വീഡിയോ പങ്കിട്ട് രാഘവും സോഷ്യല് മീഡിയയില് പോസ്റ്റ് പങ്കിട്ടിരുന്നു. ‘‘പിതൃത്വ അവധി ഇന്ത്യയിൽ നിയമപരമായ അവകാശമാകണമെന്ന് ഞാൻ പാർലമെന്റിൽ ആവശ്യപ്പെട്ടു.
ഒരു കുട്ടി ജനിക്കുമ്പോൾ, മാതാപിതാക്കൾ രണ്ടുപേരും അഭിനന്ദിക്കപ്പെടുന്നു. എന്നാൽ പരിചരണ ഉത്തരവാദിത്തം ഒരാളുടെ മേലാണ്. അമ്മ.
ഒരു പിതാവ് തന്റെ നവജാതശിശുവിനെ പരിപാലിക്കണോ അതോ ജോലി നിലനിർത്തണോ എന്ന് തിരഞ്ഞെടുക്കേണ്ടതില്ല. ഭർത്താവിന്റെ പിന്തുണയില്ലാതെ ഒരു അമ്മയ്ക്ക് പ്രസവത്തിലൂടെയും രോഗശാന്തിയിലൂടെയും കടന്നുപോകേണ്ടിവരരുത്
പ്രസവശേഷം ഉടൻ തന്നെ സ്ത്രീക്ക് ഭർത്താവിന്റെ സാന്നിധ്യം ഏറ്റവും ആവശ്യമാണ്. ഭാര്യയോടുള്ള ഭർത്താവിന്റെ പരിചരണ ഉത്തരവാദിത്തം ഒരുപോലെ പ്രധാനമാണ്.
പരിചരണം ഒരു പങ്കിട്ട ഉത്തരവാദിത്തമായതിനാൽ ഞാൻ പാർലമെന്റിൽ ഈ വിഷയം ഉന്നയിച്ചു. നമ്മുടെ നിയമങ്ങൾ അത് പ്രതിഫലിപ്പിക്കണം...’’ എന്നായിരുന്നു രാഘവ് കുറിച്ചത്. അതിനു താഴെയായി പരിണീതി തന്റെ കമന്റ് പങ്കിട്ടിരുന്നു. ‘‘പൊതുജനങ്ങൾക്കായി പ്രശ്നങ്ങൾ പരിഹരിക്കുന്ന ഈ ചിന്താശേഷിയുള്ള നേതാവ് - എന്റെ ഭർത്താവും എന്റെ കുഞ്ഞിന്റെ അച്ഛനുമാണെന്ന് പറയുന്നതിൽ അഭിമാനമുണ്ട്... നിങ്ങളെ ദിവസവും ഒരു പ്രായോഗിക പിതാവായി കാണുമ്പോൾ, ഇത് നിങ്ങൾക്ക് എത്രത്തോളം വ്യക്തിപരമാണെന്ന് എനിക്കറിയാം... താങ്കളെക്കുറിച്ച് അഭിമാനിക്കുന്നു. ഇന്ന്, ഒറ്റയ്ക്ക് തോന്നുകയും ഒറ്റയ്ക്ക് ഉപേക്ഷിക്കപ്പെടുകയും ചെയ്യുന്ന ഓരോ അമ്മയും ഇന്ന് കാണപ്പെടുകയും കേൾക്കുകയും ചെയ്യുന്നതായി തോന്നും...’’ എന്നായിരുന്നു താരത്തിന്റെ കമന്റ്.
അതിനു മറുപടിയായി, ‘‘പാറു നിന്നില് നിന്ന് ഇത് കേള്ക്കുന്നത്.... ഇതിനർത്ഥം വളരെയധികം സ്വീകാര്യതയുണ്ടെന്നാണ്.
എല്ലാ അച്ഛനും കുഞ്ഞിനും അമ്മയ്ക്കും വേണ്ടി ഉണ്ടായിരിക്കണം. അതൊരു പദവിയല്ല. അത് വെറും മിനിമം മാത്രമാണ്. നിന്നോടൊപ്പം ഇത് ചെയ്യാൻ കഴിയുന്നതിൽ ഞാൻ നന്ദിയുള്ളവനാണ്. നീ എത്ര സ്നേഹനിധിയായ അമ്മയാണെന്ന് കാണുമ്പോൾ ഓരോ ദിവസവും എന്നെ കൂടുതൽ നന്ദിയുള്ളവനാക്കുന്നു....’’ എന്നായിരുന്നു രാഘവ് കുറിച്ചത്.
