മലയാളത്തിലെ ശ്രദ്ധേയയായ അവതാരകരിൽ ഒരാളായ മീനാക്ഷി സുധീർ വിവാഹിതയായി. ഫോട്ടോഗ്രാഫറായ കാർത്തിക്ക് നായരാണ് പ്രതിശ്രുത വരൻ. ചോറ്റാനിക്കര അമ്പലത്തിൽ വച്ചായിരുന്നു വിവാഹം.
മൂന്നുവർഷത്തെ പ്രണയത്തിനു ശേഷമാണ് മീനാക്ഷിയും കാർത്തിക്കും വിവാഹിതരായത്. ഒരു ഫോട്ടോഷൂട്ടിനിടയിലാണ് മീനാക്ഷിയെ കാർത്തിക് ആദ്യമായി കാണുന്നത്. പിന്നീട് ആ പരിചയം പ്രണയമാവുകയായിരുന്നു.കേരളസാരിയിൽ മിനിമൽ ആഭരണങ്ങൾ അണിഞ്ഞാണ് കല്യാണപെണ്ണായി മീനാക്ഷി അണിഞ്ഞൊരുങ്ങിയത്.
നിരവധി സെലിബ്രിറ്റി ഇന്റർവ്യൂസ് ചെയ്തിട്ടുള്ള മീനാക്ഷി സോഷ്യൽ മീഡിയയ്ക്ക് ഏറെ സുപരിചിതയാണ്. മിസ് ടീൻ ഇന്റർനാഷണൽ 2019 ടൈറ്റിൽ വിജയിയായ മീനാക്ഷി നടി എന്ന രീതിയിലും ശ്രദ്ധ നേടിയിരുന്നു.
