തിയേറ്ററുകളില് വിജയകരമായി പ്രദര്ശനം തുടരുകയാണ് സവിന് എസ്.എ സംവിധാനം ചെയ്ത ചിത്രം വാഴ 2. സോഷ്യല് മീഡിയ താരങ്ങളായ ഹാഷിര്, അലന്, അജിന്, വിനായക് എന്നിവര് പ്രധാന വേഷങ്ങളിലെത്തുന്ന ചിത്രത്തിന് മികച്ച പ്രതികരണങ്ങളാണ് പ്രേക്ഷകരുടെ ഭാഗത്തു നിന്നും ലഭിക്കുന്നത്. ഇവരെകൂടാതെ വിജയ് ബാബു, അജു വര്ഗീസ്, ബിജുക്കുട്ടന്, സുധീഷ് എന്നിവരും വാഴ 2ല് പ്രധാന വേഷങ്ങളിലെത്തന്നുണ്ട്.
വാഴ 2 തിയേറ്ററുകളില് പ്രദര്ശനം തുടരുമ്പോള് സമൂഹമാധ്യമങ്ങളില് ട്രെന്ഡ് ആവുന്നത് കലാഭവന് മണിയുടെ ഒരു നാടന് പാട്ടാണ്. ' കൊച്ചുകുഞ്ഞിന്റെ അച്ഛനൊരു കച്ച വാങ്ങാന് പോയി' എന്ന ഗാനം സിനിമയില് ഒരു സീനില് ചേര്ത്തിട്ടുണ്ട്. വാഴ 2 സൂപ്പര് ഹിറ്റായതോടെ ഈ ഗാനവും സോഷ്യല് മീഡിയ കീഴടക്കുകയാണ്.
ഇപ്പോള് പാട്ടിന് തകര്പ്പന് ചുവടുകളുമായി എത്തിയിരിക്കുകയാണ് ബിജുക്കുട്ടന്റെ മക്കള്. ലക്ഷ്മിയുടെയും പാര്വ്വതിയുടെയും തകര്പ്പന് ഡാന്സ് ഇതിനോടകം ആരാധകര് ഏറ്റെടുത്തു കഴിഞ്ഞു. ലക്ഷ്മിയാണ് ഡാന്സ് റീല് പങ്കുവച്ചത്. അച്ഛന് ഹിറ്റ് അടിച്ചതിലുളള സന്തോഷമാണോ ഈ റീല് എന്നാണ് ആരാധകരുടെ ചോദ്യം. ഡാന്സ് സൂപ്പര് ആയെന്നും ആരാധകര് കുറിക്കുന്നു.
അതേസമയം, വാഴ 2 ല് ബിജുക്കുട്ടന്റെ പ്രകടനത്തിന് അഭിനന്ദന പ്രവാഹമാണ് ലഭിക്കുന്നത്. ചിത്രത്തില് മികച്ച അഭിനയമാണ് ബിജുക്കുട്ടന് കാഴ്ചവെച്ചതെന്ന് ആരാധകര് ഒന്നടങ്കം പറയുന്നു.
