പാലക്കാട്: വടക്കേ ഇന്ത്യയില് ശീലിച്ച പരീക്ഷണങ്ങളില് വീണുപോകുന്ന സ്ഥലമല്ല പാലക്കാടെന്ന് ബിജെപി മനസ്സിലാക്കണമെന്ന് ഷാഫി പറമ്പില് എംപി. പണം നല്കിയ പാലക്കാടിനെയോ, പാലക്കാട്ടെ വോട്ടിനേയോ വാങ്ങാന് കഴിയില്ല. ബിജെപിയുടെ പണത്തെ വോട്ടര്മാര് തിരസ്കരിക്കും. പാലക്കാട്ടെ ജനങ്ങള് ആത്മാഭിമാനം പണയം വെക്കില്ലെന്നും ഷാഫി പറഞ്ഞു
പാലക്കാട് അങ്ങനെ മാറില്ല. രാഷ്ട്രീയമായും മാറില്ല, ഇത്തരം ദുശ്ശീലങ്ങളില് ചെന്നു ചാടുകയുമില്ല.ഈ വിഷയത്തില് തിരഞ്ഞെടുപ്പ് കമ്മീഷന് ശക്തമായ നടപടികള് സ്വീകരിക്കണം. ബിജെപി കമ്മീഷന് അല്ലെങ്കില് സ്ഥാനാര്ത്ഥിക്കെതിരെ അയോഗ്യത ഉള്പ്പെടെയുള്ള നടപടികള് സ്വീകരിക്കണം. ഇത് കണ്ണാടിയില് മാത്രമല്ല, മണ്ഡലത്തിലെ പലയിടങ്ങളിലും നടന്നതായാണ് കരുതുന്നത്. ഈ സംഭവത്തില് രേഖാമൂലം തിരഞ്ഞെടുപ്പ് കമ്മീഷന് പരാതി നല്കുമെന്നും ഷാഫി പറമ്പില് പറഞ്ഞു.
രാജ്യം ഭരിക്കുന്ന പാര്ട്ടി തിരഞ്ഞെടുപ്പ് ചട്ടങ്ങള്ക്കും തെരഞ്ഞെടുപ്പ് പ്രക്രിയയ്ക്കും ജനങ്ങള്ക്കും പുല്ലു വില കല്പ്പിക്കുകയാണ് ചെയ്യുന്നത്. മൂന്നും നാലും വണ്ടികള് നിരനിരയായി പോയി, അതില് നിന്നും സഹായികള് വീടുകളില് പണം നല്കി തിരഞ്ഞെടുപ്പിനെ നേരിടാമെന്നത് വ്യാമോഹമാണ്. നേരായ മാര്ഗത്തിലൂടെ ജയിക്കാന് സാധിക്കില്ലെന്ന് ബിജെപി സമ്മതിച്ചിരിക്കുകയാണ്. പരാജയം ബിജെപി സമ്മതിച്ചിരിക്കുകയാണെന്നും ഷാഫി വ്യക്തമാക്കി.
