ബോളിവുഡിലെ ശ്രദ്ധേയയായ നടിയാണ് സോനം കപൂര്. ഇക്കഴിഞ്ഞ മാര്ച്ച് 29-നാണ് സോനത്തിനും ഭര്ത്താവ് ആനന്ദ് അഹൂജയ്ക്കും രണ്ടാമത്തെ ആണ്കുഞ്ഞ് ജനിച്ചത്. ഇപ്പോള് കുഞ്ഞിനൊപ്പമുളള ചിത്രം പങ്കുവച്ച് സോഷ്യല് മീഡിയയില് കുറിപ്പ് പങ്കിട്ടിരിക്കുകയാണ് സോനം കപൂര്.
''ഐലൈനറുകള്ക്ക് പകരം ഡാര്ക്ക് സര്ക്കിള്സും, സലൂണ് ഹെയര്കട്ടുകള്ക്ക് പകരം പോണിടെയിലുകളും, പാതിരാത്രികള്ക്ക് പകരം പുലര്കാലങ്ങളും തിരഞ്ഞെടുത്ത, സ്വാര്ത്ഥതയില്ലാത്ത എല്ലാ അമ്മമാര്ക്കും ഒരു വലിയ സല്യൂട്ട്. അവര്ക്ക് മാറ്റാന് ഒന്നുപോലുമില്ല.
ഇപ്പോള് എന്റെ ലോകം എന്റെ മക്കളെ ചുറ്റിയാണ് കറങ്ങുന്നത്. എനിക്ക് കിട്ടാവുന്നതില് വെച്ച് ഏറ്റവും മികച്ച അമ്മയാകാന് എനിക്ക് ഒരു അവസരം മാത്രമേ ലഭിക്കൂ, അതുകൊണ്ട് ഞാന് എന്റെ ഹൃദയം മുഴുവന് അവര്ക്കായി പകരുകയാണ്'', എന്നാണ് സോനം കപൂര് കുറിച്ചത്.
2018 ല് ആയിരുന്നു സോനം കപൂറും ആനന്ദ് അഹൂജയും വിവാഹിതരായത്. 2022 ഓഗസ്റ്റില് ആണ് മൂത്ത മകന് വായു ജനിക്കുന്നത്.
