മിനീസ്ക്രീന്- ബിഗ്സ്ക്രീന് പ്രേക്ഷകര്ക്ക് സുപരിചിതയാണ് നടി ലക്ഷ്മി പ്രിയ. ബിഗ് ബോസ് മലയാളം സീസണ് 4ല് മത്സരാര്ത്ഥിയായി എത്തിയതോടെ താരം കൂടുതല് ജനപ്രീതി നേടി. ഇപ്പോള് 23-ാം വിവാഹവാര്ഷിക ദിനത്തില് സമൂഹമാധ്യമങ്ങളില് കുറിപ്പ് പങ്കുവച്ചിരിക്കുകയാണ് താരം.
'' 23 years of togetherness. Happy anniversary for us
അതേ!23 കൊല്ലങ്ങള്.... എല്ലാവരും ഓര്ക്കുന്നത് ഇന്നലെ വൈകിട്ട് 5.45 മുതല് ആണ് ഞാന് ലക്ഷ്മി പ്രിയ ആയത് എന്നാണ്.വിക്കി പീഡിയ പോലും 2 കൊല്ലം കുറച്ചാണ് ഇട്ടിരിക്കുന്നത്. 20/03/2003 ഞായറാഴ്ച രാവിലെ! കാല് നൂറ്റാണ്ട് കാലം ആവാറായി. എന്റെ ജീവിതത്തില് ഇത്രയും strong ആയ ബന്ധുവും ബന്ധവും ഇല്ല.ഒരു ക്ഷമ പറച്ചിലില് ചേര്ത്തു നിര്ത്തലില് അലിഞ്ഞില്ലാതാകുന്ന സങ്കടങ്ങള്. അന്നത്തെ ആ 18 കാരി പൊട്ടിക്കാളിയുടെ ഭര്ത്താവും ചേട്ടനും അച്ഛനുമൊക്കെയായി അങ്ങനെയങ്ങു നീണ്ടു നീണ്ടു പോകാന് ഭഗവാന് അനുഗ്രഹിക്കട്ടെ ഈ യാത്ര'', ഭര്ത്താവ് ജയേഷിനൊപ്പമുളള ചിത്രങ്ങള്ക്കൊപ്പം ലക്ഷ്മി പ്രിയ കുറിച്ചു.
സംഗീതജ്ഞനായ പട്ടണക്കാട് പുരുഷോത്തമന്റെ മകനാണ് ലക്ഷ്മിയുടെ ഭര്ത്താവ് ജയേഷ്. പ്രണയിച്ച് വിവാഹിതരായവരാണ് ലക്ഷ്മി പ്രിയയും ജയേഷും. മാതംഗി എന്നാണ് ഈ ദമ്പതികളുടെ മകളുടെ പേര്.
