കണ്ണൂര് : കണ്ണൂര് അഞ്ചരക്കണ്ടി മെഡിക്കല് കോളജ് വിദ്യാര്ത്ഥി നിതിന് രാജിന്റെ മരണത്തില് നീതി ആവശ്യപ്പെട്ട് ഏപ്രില് 28-ന് സംസ്ഥാന വ്യാപകമായി ഹര്ത്താലിന് ആഹ്വാനം ചെയ്തു. 52 ദലിത് സംഘടനകള് ചേര്ന്ന് രൂപീകരിച്ച 'നിതിന് രാജ് ആക്ഷന് കൗണ്സില്' ആണ് ഹര്ത്താല് പ്രഖ്യാപിച്ചത്.
നിതിന് രാജിന്റെ് മരണത്തില് പോലീസ് അന്വേഷണം പരാജയമെന്ന് നിതിന് രാജ് ആക്ഷന് കൗണ്സില് . നിതിന് രാജിന്റെ് മരണം ദുരൂഹമാണെന്ന് ആക്ടിവിസ്റ്റ് സണ്ണി എം കപിക്കാട് പ്രതികരിച്ചു .ഇതുവരെയും പ്രതികളെ അറസ്റ്റ് ചെയ്തിട്ടില്ലെന്നും അന്വേഷണം ഇഴഞ്ഞുനീങ്ങുന്നുവെന്ന് ആക്ഷന് കൗണ്സില് ചെയര്മാന് കെ.കെ.സുരേഷ് പറഞ്ഞു . നിതിരാജിന്റെ് കുടുംബത്തിന് നഷ്ടപരിഹാരം 10 കോടി രൂപ നല്കണം . നക്കാപ്പിച്ച കൊടുത്താല് പോരയെന്ന് ആക്ഷന് കൗണ്സില് ആവശ്യപ്പെട്ടു .
ഡോ. റാം , ഡോ.സംഗീത എന്നിവര് മാത്രമല്ല കുറ്റക്കാര് . പ്രിന്സിപ്പാല് അടക്കം പ്രതി പട്ടികയില് വരും മെന്ന് സണ്ണി എം കപിക്കാട് പറഞ്ഞു . കണ്ണൂര് എസ് .പി .യാണ് അന്വേഷണം അട്ടിമറിക്കുന്നത് . അദ്ദേഹത്തെ അന്വേഷണത്തില് നിന്ന് മാറ്റി നിര്ത്തണമെന്ന് സണ്ണി എം കപിക്കാട് ആവശ്യപ്പെട്ടു .ലോണ് ആപ്പ് കാര്യം പോലീസ് തന്നെ പറയുന്നുവെന്നും നോയിഡയില് പോയി മൂന്ന് പ്രതികളെ അറസ്റ്റ് ചെയ്യാന് പോലീസിന് ആയെന്നും അദ്ദേഹം പറഞ്ഞു . പക്ഷേ രണ്ട് ഡോക്ടര്മാരെ കണ്ടെത്താന് കഴിയുന്നില്ലെന്ന് സണ്ണി എം കപിക്കാട് പറഞ്ഞു .
