മമ്മൂട്ടി- മോഹന്ലാല് ചിത്രം ' പേട്രിയറ്റി' ന് കത്രികവെച്ച് സെന്സര് ബോര്ഡ്. ചിത്രത്തിലെ ചില രംഗങ്ങളും പേരുകളും ഒഴിവാക്കാനാണ് സെന്സര് ബോര്ഡ് നിര്ദേശിച്ചത്. ഒരു രാഷ്ട്രീയ നേതാവിന്റെ മകന്റെ പേരുമായി ചിത്രത്തിലെ വില്ലന്റെ പേരിന് സാമ്യമുണ്ടെന്നാണ് സൂചന. അത് വിവാദമാകാന് സാധ്യതയുളളതിനാല് അവ ഒഴിവാക്കാന് സെന്സര് ബോര്ഡ് നിര്ദേശിച്ചുവെന്നാണ് റിപ്പോര്ട്ട്. നിര്ദേശം അനുസരിച്ച് അണിയറപ്രവര്ത്തകര് ചിത്രം റീ- എഡിറ്റ് ചെയ്ത് സെന്സര് ബോര്ഡിന് സമര്പ്പിക്കും. കൊച്ചിയിലെ ലാല് മീഡിയ സ്റ്റുഡിയോയില് ചിത്രത്തിന്റെ റീ- എഡിറ്റിങ് പൂര്ത്തിയായിട്ടുണ്ട്. ഇ
തടക്കമുളള മാറ്റങ്ങളുമായാണ് മേയ് ഒന്നിന് ചിത്രം തിയേറ്ററുകളില് എത്തുക. നേരത്തെ സംസ്ഥാനത്തെ തിയേറ്ററുടമകളുടെ സംഘടനയായ ഫിയോക് ചിത്രത്തിന് വിലക്ക് ഏര്പ്പെടുത്തിയിരുന്നു. തിയേറ്ററില് സിനിമയുടെ കളക്ഷന്റെ നിര്മാണ- വിതരണ വിഹിതം നിര്മാതാവ് കൂട്ടി ചോദിച്ചതിനാണ് വിലക്ക് ഏര്പ്പെടുത്തിയത്. പ
ിന്നാലെ ചര്ച്ചയില് വിലക്ക് പിന്വലിച്ചു. 18 വര്ഷത്തെ ഇടവേളക്ക് ശേഷം മ്മമൂട്ടിയും മോഹന്ലാലും ഒന്നിക്കുന്ന ചിത്രമാണ് പേട്രിയറ്റ്. മഹേഷ് നാരായണന് സംവിധാനം ചെയ്യുന്ന ചിത്രത്തില് ഫഹദ് ഫാസില്, കുഞ്ചാക്കോ ബോബന്, നയന്താര, രേവതി, രാജീവ് മേനോന് എന്നിവരും പ്രധാന വേഷങ്ങള് ചെയ്യുന്നുണ്ട്്. ആന്റോ ജോസഫ് ഫിലിം കമ്പനി, കിച്ചപ്പു ഫിലിംസ് എന്നിവയുടെ ബാനറില് ആന്റോ ജോസഫ്, കെജി അനില്കുമാര് എന്നിവര് ചേര്ന്നാണ് ചിത്രം നിര്മിക്കുന്നത്.
