ഗുജറാത്തിലെ ഗിര് വനമേഖലയോട് ചേര്ന്നുള്ള രതാംഗ് ഗ്രാമത്തില് ഒരു സിംഹം ഒരു പെണ്കുട്ടിയ്ക്ക് നേരെ പാഞ്ഞടുക്കുന്നതിന്റെ ഞെട്ടിക്കുന്ന ദൃശ്യങ്ങളാണ് ഇപ്പോള് സോഷ്യല് മീഡിയയില് നടുക്കം സൃഷ്ടിക്കുന്നത്. രാത്രിയില് ഗ്രാമത്തിലിറങ്ങിയ സിംഹം ഒരു വളര്ത്തുമൃഗത്തെ വേട്ടയാടി റോഡിലിരുന്ന് ഭക്ഷിക്കുന്നതിനിടെയാണ് നാടകീയ സംഭവങ്ങള് അരങ്ങേറിയത്. നിമിഷങ്ങളുടെ വ്യത്യാസത്തിലാണ് പെണ്കുട്ടി വലിയൊരു അപകടത്തില് നിന്നും അത്ഭുതകരമായി രക്ഷപ്പെട്ടത്.
റോഡരികില് ഇരയെ ഭക്ഷിക്കുകയായിരുന്ന സിംഹത്തെ കാണാന് വന് ജനക്കൂട്ടമാണ് അവിടെ തടിച്ചുകൂടിയത്. സുരക്ഷാ മുന്കരുതലുകള് അവഗണിച്ച് മൊബൈല് ഫോണില് ദൃശ്യങ്ങള് പകര്ത്താനും സെല്ഫിയെടുക്കാനും ആളുകള് തിക്കും തിരക്കും കൂട്ടി. ഇരുട്ടത്ത് മൊബൈല് ഫോണ് ഫ്ലാഷുകള് തുടര്ച്ചയായി മിന്നിച്ചത് സിംഹത്തെ വല്ലാതെ പ്രകോപിപ്പിച്ചു എന്നാണ് കരുതപ്പെടുന്നത്.
ജനക്കൂട്ടത്തിന്റെ പെരുമാറ്റത്തില് അസ്വസ്ഥനായ സിംഹം പെട്ടെന്ന് ഇരയെ ഉപേക്ഷിച്ച് സമീപത്തുണ്ടായിരുന്ന പെണ്കുട്ടിക്ക് നേരെ പാഞ്ഞടുക്കുകയായിരുന്നു. ഭയന്നോടിയ പെണ്കുട്ടിയെ സിംഹം പിന്തുടര്ന്നതോടെ ഗ്രാമവാസികള് ആകെ പരിഭ്രാന്തരായി. ഉടന് തന്നെ ആളുകള് ചേര്ന്ന് ബഹളം വെച്ച് സിംഹത്തിന്റെ ശ്രദ്ധ തിരിച്ചതിനാലാണ് സിംഹം പാതിവഴിയില് വെച്ച് പിന്തിരിഞ്ഞതും വലിയൊരു ദുരന്തം ഒഴിവായതും.
സംഭവം വിവാദമായതോടെ വനംവകുപ്പ് അധികൃതര് ജനങ്ങള്ക്ക് കര്ശന മുന്നറിയിപ്പ് നല്കി. വന്യമൃഗങ്ങളുടെ അടുത്ത് പോയി ദൃശ്യങ്ങള് പകര്ത്തുന്നത് അങ്ങേയറ്റം അപകടകരമാണെന്നും സുരക്ഷിതമായ അകലം പാലിക്കണമെന്നും ഉദ്യോഗസ്ഥര് നിര്ദ്ദേശിച്ചു. വീഡിയോകള്ക്ക് വേണ്ടി സ്വന്തം ജീവന് പണയപ്പെടുത്തരുതെന്ന മുന്നറിയിപ്പുമായി നിരവധി നെറ്റിസണ്സും രംഗത്തെത്തിയിട്ടുണ്ട്.
जूनागढ़ जिले के गिर से एक दिल दहला देने वाला वीडियो सामने आया है,वीडियो में एक शेर गांव के अंदर घुसकर मवेशी का शिकार करता और उसे खाते हुए नजर आ रहा है। लेकिन तभी वहां जुटी लोगों की भीड़ देखकर शेर अचानक भड़क जाता है।
इसके बाद शेर अपना शिकार छोड़कर एक मासूम बच्ची के पीछे दौड़… pic.twitter.com/FyboDDw5lD— Krishnan Gaur (@Mercedes5494) April 25, 2026
