മലയാളത്തിന്റെ മെഗാസ്റ്റാര് മമ്മൂട്ടിയുടെ മകന് എന്ന ലേബലിലാണ് മലയാളസിനിമയിലെത്തിയതെങ്കിലും പിന്നീട് പാന് ഇന്ത്യന് താരമായി മാറിയ അഭിനേതാവാണ് താരപുത്രനായ ദുല്ഖര് സല്മാന്. 2012ലെ ക്രൈം-ത്രില്ലർ ചിത്രം ‘സെക്കൻഡ് ഷോ’യിലൂടെ ബിഗ് സ്ക്രീനിൽ അരങ്ങേറ്റം കുറിച്ച ദുൽഖർ സൽമാൻ അതേ വർഷം ദേശീയ അവാർഡ് നേടിയ ചിത്രം ഉസ്താദ് ഹോട്ടലിലൂടെ മമ്മൂട്ടിയുടെ മകനായ താരപുത്രൻ എന്ന നിലയിൽ നിന്നും വമ്പൻ ആരാധകവൃന്ദമുള്ള നായകനായി മാറി. മലയാള സിനിമയില് മാത്രമാണ് ആദ്യം ദുല്ഖര് അഭിനയിച്ചതെങ്കില് പിന്നീട് തെലുങ്ക്, തമിഴ്, കന്നഡ, ഹിന്ദി ചിത്രങ്ങളിലടക്കം തിളങ്ങി നില്ക്കുകയാണ്.
മമ്മൂട്ടി മലയാള സിനിമയുടെ തിരക്കുകളിൽ നിന്നും തിരക്കുകളിലേക്ക് സഞ്ചരിക്കുമ്പോഴും, കുടുംബത്തിന്റെ ഉത്തരവാദിത്വങ്ങൾ പൂർണ്ണമായും ഏറ്റെടുത്ത് മക്കളെ മൂല്യബോധമുള്ള മനുഷ്യരായി വളർത്തിയെടുത്തത് ഭാര്യയായ സുൽഫത്താണ്. മക്കൾക്ക് തണലായും വഴികാട്ടിയായും നിലകൊള്ളുന്ന സുൽഫത്തിന്റെ ജന്മദിനമാണിന്ന്. അമ്മയുമായി വലിയ ആത്മബന്ധമാണ് ദുല്ഖറിനുള്ളത്.
ഇപ്പോഴിതാ അമ്മയായ സുല്ഫത്തിന് ഹൃദയത്തില് നിന്നുള്ള ജന്മദിനാശംസകള് പങ്കിടുകയാണ് ദുല്ഖര് സല്മാന്. പതിവു മുടക്കാതെ അമ്മയ്ക്കൊപ്പമുള്ള ചിത്രം പങ്കിട്ടാണ് ദുല്ഖറിന്റെ കുറിപ്പ്. ‘‘എന്റെ ആദ്യ പ്രണയിനി, എന്റെ സുന്ദരിയായ ഉമ്മിച്ചിക്ക് ജന്മദിനാശംസകൾ! എന്നും സ്നേഹിക്കുന്നു അമ്മേ...’’ എന്ന ക്യാപ്ഷന് നല്കിയാണ് ദുല്ഖറിന്റെ പോസ്റ്റ്. മമ്മൂട്ടിയുടെ ഭാര്യയും കരുത്തുമായ സുല്ഫത്ത് മകനായ ദുല്ഖറിന് വലിയ പിന്തുണയാണ് എപ്പോഴും നല്കാറുണ്ട്. അമ്മയുമായി ദുല്ഖറിനുള്ള ആത്മബന്ധം പല പോസ്റ്റുകളിലൂടെയും ചിത്രങ്ങളിലൂടെയും ആരാധകര് നേരിട്ട് കണ്ടറിഞ്ഞിട്ടുണ്ട്.
