ഭാരതത്തിന്റെ ദോശ തലസ്ഥാനം ബെംഗളൂരു ആണെന്ന് പറഞ്ഞാൽ തൽക്കാലം തർക്കിക്കാൻ നിൽക്കേണ്ട. ബെംഗളൂരുവിന്റെ വികാരമാണ് ദോശ. ഈ മെട്രോ നഗരം ദോശ നൽകി നിങ്ങൾക്ക് ഒരു ‘ദേ ജാ വൂ‘ ഫീലിംഗ് തരും. മനോഹരമായ കാലാവസ്ഥ, സജീവമായ കഫേകൾ, കുതിച്ചുയരുന്ന ഐടി മേഖല എല്ലാം ബെംഗളൂരുവിന്റെ പ്രത്യേകതകളായിരിക്കും. എന്നാൽ, ഭക്ഷണപ്രേമികൾക്ക് ദോശ വിഭവങ്ങളാണ് ബെംഗളൂരുവിന്റെ എല്ലാം. വെജിറ്റേറിയൻ റെസ്റ്റോറന്റുകൾ മുതൽ തിരക്കേറിയ തെരുവോരത്തെ ടിഫിൻ സെന്ററുകൾ വരെ, ദോശ ഈ നഗരത്തിന്റെ ദൈനംദിന ഭക്ഷണസംസ്കാരത്തിന്റെ ഭാഗമാണ്.
ബെംഗളൂരുവിനെ വ്യത്യസ്തമാക്കുന്ന പ്രധാന കാരണം ഇവിടെ ലഭ്യമായ വൈവിധ്യങ്ങളാണ്. ക്രിസ്പി പേപ്പർ ദോശ, മസാലദോശ, സെറ്റ്ദോശ,
ബെണ്ണെ ദോശ (വെണ്ണ ദോശ), റവ ദോശ, ഉള്ളി ദോശ, ചീസ് ദോശ, പൊടി ദോശ. നിങ്ങൾ പരമ്പരാഗത രുചികൾ ഇഷ്ടപ്പെടുന്നവരായാലും ആധുനിക പരീക്ഷണങ്ങൾ ഇഷ്ടപ്പെടുന്നവരായാലും, ബെംഗളൂരുവിൽ ഓരോ ദോശ പ്രേമിക്കുമായി എന്തെങ്കിലുമൊക്കെ കരുതി വെച്ചിട്ടുണ്ടാകും.
ബെംഗളൂരുവിനെ സംബന്ധിച്ചിടത്തോളം ദോശ എന്നത് വെറുമൊരു പ്രഭാതഭക്ഷണമല്ല, അതൊരു വികാരമാണ്. ലളിതമായ ചേരുവകളെ സംതൃപ്തമായ ഭക്ഷണമാക്കി മാറ്റുന്ന കർണാടകയിലെ ടിഫിൻ പാരമ്പര്യം. ബെംഗളൂരുവിലെ ദോശ സംസ്കാരത്തെ വളരെയധികം സ്വാധീനിച്ചിട്ടുണ്ട്. ധാരാളമായി ഉപയോഗിക്കുന്ന വെണ്ണയും നെയ്യും.കൃത്യമായി പുളിപ്പിച്ച മാവ്.മൊരിഞ്ഞ സ്വർണ്ണനിറത്തിലുള്ള പുറംഭാഗം.രുചികരമായ ഉരുളക്കിഴങ്ങ് മസാല.തനതായ ചട്ണികളും സാമ്പാറും. ഇവയെല്ലാം ചേർന്നാൽ നമ്മ ബെംഗളൂരു ദോശയായി. ഇതാണ് ബെംഗളൂരു ദോശയെ വേറിട്ടതാക്കുന്നതും.
ഇവിടുത്തെ ഏറ്റവും പ്രശസ്തമായ ദോശ വിഭവങ്ങളിൽ ഒന്നാണ് ബെണ്ണെ ദോശ. മറ്റ് സ്ഥലങ്ങളിൽ കാണുന്ന നേർത്ത ദോശകളിൽ നിന്ന് വ്യത്യസ്തമായി, ബെംഗളൂരു ദോശകൾ ഉള്ളിൽ മൃദുവായും പുറത്ത് മൊരിഞ്ഞും ഇരിക്കും. ഈയൊരു സന്തുലിതാവസ്ഥയാണ് അവയെ അവിസ്മരണീയമാക്കുന്നത്. മസാല ദോശ, ബെണ്ണെ ദോശ: സമൃദ്ധമായ രുചിക്കും മൃദുവായ ഘടനയ്ക്കും പേരുകേട്ട കർണാടക സ്റ്റൈൽ വെണ്ണ ദോശ.
, സെറ്റ് ദോശ: വെജിറ്റബിൾ സാഗുവിനൊപ്പം മൂന്നെണ്ണം വീതം വിളമ്പുന്ന ചെറിയ മൃദുവായ ദോശകൾ, റവ ദോശ: റവ ഉപയോഗിച്ച് തയ്യാറാക്കുന്ന, മസാലകൾ ചേർത്ത നേർത്ത മൊരിഞ്ഞ ദോശ, പൊടി ദോശ: എരിവുള്ള ചട്ണിപ്പൊടിയും നെയ്യും പുരട്ടിയ രുചികരമായ ദോശ എന്നിവ ബെംഗളൂരുവിൽ തീർച്ചയായും പരീക്ഷിക്കേണ്ട ദോശ ഇനങ്ങളാണ്.
കേട്ടില്ലേ ബെംഗളൂരു ദോശ വിശേഷങ്ങൾ, എന്നാൽ ഇനി അടുത്ത ബെംഗളൂരു ട്രിപ്പിൽ ദോശയ്ക്കായി അൽപ്പ സമയം മാറ്റിവയ്ക്കണേ.
