ചെന്നൈ: എംഎല്എയായി സത്യപ്രതിജ്ഞ ചെയ്തതിന് തൊട്ടുപിന്നാലെ പ്രസവത്തിനായി ലേബര്റൂമില് എത്തുക. രണ്ട് പുതിയജീവിതങ്ങള്ക്ക് തുടക്കമിടുന്ന തികച്ചും അസാധാരണയായ ഒരു സ്ത്രീ. തമിഴ്നാട് നിയമസഭയില് പല്ലവി എംഎല്എ യായി സത്യപ്രതിജ്ഞ ചെയ്ത് നാലു ദിവസങ്ങള് കഴിയൂമമ്പാള് തന്നെ അവര് പ്രസവത്തിനായി ആശുപത്രിയില് പ്രവേശിപ്പിക്കും.
സത്യപ്രതിജ്ഞ ചെയ്യാനായി 234 പുതിയ എം.എല്.എമാര് ഒന്നൊന്നായി എത്തിയപ്പോള്, ക്യാമറക്കണ്ണുകളെല്ലാം ഒമ്പതുമാസം ഗര്ഭിണിയാണ് എന്ന ഒറ്റകാരണത്താല് 36 വയസ്സുള്ള ഈ വീട്ടമ്മയ്ക്ക് മേലായിരുന്നു. വെള്ള വേഷ്ടി ധരിച്ച ശക്തരായ പുരുഷന്മാര് നിറഞ്ഞ ആ സഭയില്, ഒന്പതാം മാസം ഗര്ഭിണിയായ ഒരു വീട്ടമ്മയാണ് അന്നത്തെ ദിവസത്തെ ഏറ്റവും മനോഹരവും ഓര്മ്മിക്കപ്പെടുന്നതുമായ ചിത്രമായി മാറി്.
വെറും പന്ത്രണ്ടാം ക്ലാസ് മാത്രം വിദ്യാഭ്യാസമുള്ള പല്ലവി ഡി.എം.കെയുടെ കോട്ടയായ ചെന്നൈയിലെ തിരു വി ക നഗറില് നിന്നുമായിരുന്നു ജയിച്ചുകയറിയത്. 22,333 ആയിരുന്നു ഭൂരിപക്ഷം. ഇതിനുമുമ്പ് ഒരു തിരഞ്ഞെടുപ്പിലും മത്സരിച്ചിട്ടില്ലാത്ത, ഒരു രാഷ്ട്രീയ കുടുംബ പശ്ചാത്തലവുമില്ലാത്ത പല്ലവി വിജയ് പാര്ട്ടി രൂപീകരിച്ച അന്നുതന്നെ അതില് ചേര്ന്ന വെറുമൊരു സാധാരണ ആരാധികയായിരുന്നു. അവര് ഒടുവില് എത്തിച്ചേര്ന്നതാകട്ടെ തമിഴ്നാട് നിയമസഭയിലും!
ഗര്ഭാവസ്ഥയുടെ അവസാന ഘട്ടത്തിലും ചെന്നൈയിലെ കഠിനമായ ചൂടിനെ അവഗണിച്ച് പല്ലവി വീടുവീടാന്തരം കയറിയിറങ്ങി ശക്തമായ പ്രചാരണം നടത്തിയിരുന്നു. എട്ടുമാസം ഗര്ഭിണി, മുന്പരിചയമില്ലായ്മ, രാഷ്ട്രീയ പാരമ്പര്യത്തിന്റെ പിന്തുണയില്ലായ്മ ഇവയെല്ലാം മറികടന്നത് അവരുടെ കഠിനാധ്വാനവും പോരാട്ടവുമായിരുന്നു. 'സാധാരണക്കാരാണ് രാഷ്ട്രീയത്തില് വരേണ്ടത്' എന്ന വിജയ്യുടെ സന്ദേശത്തില് വിശ്വാസം അര്പ്പിച്ചാണ് അവര് എത്തിയത്. പ്രചാരണത്തിനിടയില് ഒരിക്കല് അവര് തലകറങ്ങി വീഴുകപോലൂം ചെയ്തിട്ടുണ്ട്.
ഒരു സിനിമാതാരത്തിന്റെ പാര്ട്ടി എങ്ങനെയാണ് തമിഴ്നാട് പിടിച്ചടക്കിയത് എന്ന് അത്ഭുതപ്പെടുന്നവര് വിജയ് സ്ഥാനാര്ത്ഥികളാക്കിയത് ആരെയാണെന്ന് നോക്കിയാല് മതി. ഇന്ത്യന് രാഷ്ട്രീയത്തിന്റെ മാറ്റത്തിന്റെ കാഴ്ചകളാണ് അവിടെ കണ്ടത്. ടി.വി.കെ സ്ഥാനാര്ത്ഥികള് സാധാരണ ജീവിതസാഹചര്യങ്ങളില് നിന്ന് വന്നവരായിരുന്നു. ഡ്രൈവര്മാര്, ഓട്ടോറിക്ഷാ തൊഴിലാളികള്, ശുചീകരണ തൊഴിലാളികള്, ട്യൂഷന് അധ്യാപകര്, കോളേജ് വിദ്യാര്ത്ഥികള്, പച്ചക്കറി വ്യാപാരികള്, ചെരുപ്പുകുത്തികള് അങ്ങിനെയെല്ലാം.
ചെന്നൈയിലെ മണ്ഡലങ്ങളില് നിന്ന് മത്സരിച്ച 53 സ്ത്രീകളില് രണ്ട് പേര് മാത്രമാണ് വിജയിച്ചത്. രണ്ടുപേരും ടി.വി.കെയില് നിന്നുള്ളവരും ആദ്യമായി മത്സരിക്കുന്നവരുമാണ്. ശക്തരായ രാഷ്ട്രീയ കുടുംബങ്ങളില് നിന്നുള്ള പുരുഷന്മാര് ദീര്ഘകാലമായി ആധിപത്യം പുലര്ത്തിയിരുന്ന ഒരു സംസ്ഥാനത്ത്, വിജയ്യുടെ നിയമസഭ തമിഴ്നാടോ അല്ലെങ്കില് ഇന്ത്യയോ ഇതുവരെ കണ്ടിട്ടില്ലാത്ത ഒന്നായി മാറിയിരിക്കുന്നു.
പല്ലവി സത്യപ്രതിജ്ഞയ്ക്കായി നടന്നു നീങ്ങുന്ന ദൃശ്യങ്ങള് സമൂഹമാധ്യമങ്ങളില് നിമിഷങ്ങള്ക്കകമാണ് വൈറലായത്. രാഷ്ട്രീയ-സംസ്ഥാന അതിര്വരമ്പുകള് ഭേദിച്ച് സോഷ്യല് മീഡിയയില് വലിയ രീതിയിലുള്ള പ്രശംസയാണ് അവര്ക്ക് ലഭിക്കുന്നത്. തമിഴ് രാഷ്ട്രീയം ഇതുവരെ ശ്രദ്ധിക്കാത്ത ഡല്ഹി, മുംബൈ, ബംഗളൂരു എന്നിവിടങ്ങളിലെ ആളുകള് പോലും, 'യഥാര്ത്ഥ രാഷ്ട്രീയ മാറ്റം ഇതാണ് എന്ന് കമന്റിട്ടു. ഇവരുടെ വീഡിയോയ്ക്ക് മറ്റ് സംസ്ഥാനങ്ങളിലെ വനിതാ രാഷ്ട്രീയ നേതാക്കള് വശര പിന്തുണയുമായി രംഗത്തെത്തി.
മെയ് 20-ഓടെ പ്രസവത്തിനായി ആശുപത്രിയില് പ്രവേശിക്കാന് ഡോക്ടര്മാര് പല്ലവിക്ക് നിര്ദ്ദേശം നല്കിയിട്ടുണ്ട്. അതിനര്ത്ഥം, തമിഴ്നാട് എം.എല്.എയായി സത്യപ്രതിജ്ഞ ചെയ്ത് ദിവസങ്ങള്ക്കുള്ളില്, അവര് തന്റെ രണ്ടാമത്തെ കുഞ്ഞിന് ജന്മം നല്കാന് പ്രസവവാര്ഡിലേക്ക് പ്രവേശിക്കും എന്നാണ്. ഒരേസമയം ജനപ്രതിനിധിയും നിയമനിര്മ്മാതാവുമായ, ഒപ്പം ഇന്ത്യന് രാഷ്ട്രീയം അതിന്റെ ഏറ്റവും നല്ല നാളുകളില് യഥാര്ത്ഥ ഇന്ത്യയെ പ്രതിഫലിപ്പിക്കുമെന്നതിന്റെ ജീവിക്കുന്ന തെളിവുമായ ഒരു അമ്മയ്ക്കായിരിക്കും ആ കുഞ്ഞ് ജനിക്കുന്നത്.
