മൂന്നാര് തലയാര് എസ്റ്റേറ്റിലെ തോട്ടം തൊഴിലാളികള്ക്കൊപ്പം സമയം ചെലവഴിച്ച് നടന് ചിയാന് വിക്രം. വിക്രം തന്നെയാണ് സന്ദര്ശനത്തിന്റെ ചിത്രങ്ങള് സോഷ്യല് മീഡിയയില് പങ്കുവെച്ചത്. തേയിലത്തോട്ടം വഴി നടക്കാന് ഇറങ്ങിയ വിക്രമിനെ കണ്ട് തൊഴിലാളികള് അത്ഭുതപ്പെടുകയായിരുന്നു. ‘ഒരു നടത്തത്തിന് പോയി, ഒരുപാട് ഓര്മകളുമായി തിരിച്ചുവന്നു’ എന്ന ക്യാപ്ഷനോടെയണ് വീഡിയോ പങ്കുവെച്ചിരിക്കുന്നത്. ഫോട്ടോ എടുത്തോട്ടെയെന്ന് തൊഴിലാളികള് ചോദിക്കുമ്പോള് തമാശ രൂപേണ, ഫോട്ടോ ഒന്നും എടുക്കാന് പറ്റില്ലെന്ന് നടന് പറയുന്നതും വീഡിയോയില് കാണാം.
അന്യന് സിനിമ ഒത്തിരി ഇഷ്ടമായെന്നും തൊഴിലാളികള് വിക്രമിനോട് പറയുന്നുണ്ട്. തുടര്ന്ന് അന്യന് സിനിമയിലെ ‘അണ്ടന്കാക്ക കൊണ്ടക്കാരി’ എന്ന ഗാനം തൊഴിലാളികളും വിക്രമും ചേര്ന്ന് പാടുന്നതും വീഡിയോയിലുണ്ട്. തൊഴിലാളികള്ക്കും കുട്ടികള്ക്കും ഒപ്പം ഫോട്ടോയെടുത്താണ് വിക്രം മടങ്ങിയത്. വീഡിയോക്ക് വിവിധ തരത്തിലുള്ള പ്രതികരണങ്ങളാണ് ലഭിച്ചുകൊണ്ടിരിക്കുന്നത്. താരജാഡയില്ലാത്ത വിക്രമിന്റെ പെരുമാറ്റവും എളിമയുമാണ് ആരാധകര് പ്രശംസിക്കുന്നത്. എത്ര കാലം കഴിഞ്ഞാലും വിക്രമിന് ഒരു മാറ്റവുമുണ്ടാകില്ലെന്നാണ് ചിലര് പറയുന്നത്.
