സൂര്യയെ നായകനാക്കി ആര്ജെ ബാലാജി സംവിധാനം ചെയ്ത ' കറുപ്പ്' സിനിമയെ പ്രശംസിച്ച് സംവിധായകന് അറ്റ്ലി. ചിത്രത്തെയും അണിയറപ്രവര്ത്തകരെയും അഭിനന്ദിച്ചുകൊണ്ട് അറ്റ്ലി ഇന്സ്റ്റഗ്രാം സ്റ്റോറിയില് കുറിപ്പ് പങ്കുവച്ചു.
'കറുപ്പ് സിനിമ ഗംഭീരമായിരുന്നു. കാണാന് നല്ല രസമുണ്ട്. കുടുംബപ്രേക്ഷകര്ക്ക് ഇതൊരു സമ്പൂര്ണ്ണ വിരുന്നാണ്. തീയേറ്ററുകളില് ഇത് കാണാന് ഒട്ടും മടിക്കരുത്, പക്കാ മാസ് കൊമേഴ്സ്യല് ബ്ലോക്ക്ബസ്റ്റര്. ആര്.ജെ. ബാലാജി ബ്രോയ്ക്ക് അഭിനന്ദനങ്ങള്. സൂര്യ.. സാര് നിങ്ങള് തകര്ത്തു. കൂടാതെ സിനിമയുടെ മുഴുവന് അണിയറപ്രവര്ത്തകര്ക്കും അഭിനന്ദനങ്ങള്', എന്നാണ് അറ്റ്ലിയുടെ വാക്കുകള്.
അതേസമയം ചിത്രം ബോക്സ് ഓഫീസിലും വലിയ മുന്നേറ്റമാണ് നടത്തുന്നത്. ചിത്രത്തെ പ്രശംസിച്ച് സിനിമാ മേഖലയില് നിന്നും നിരവധിപ്പേര് രംഗത്തെത്തുന്നുണ്ട്. തൃഷയാണ് ചിത്രത്തില് നായിക. സ്വാസിക, ഇന്ദ്രന്സ്, നട്ടി, യോഗി ബാബു, ശിവദ, സുപ്രീത് റെഡ്ഡി, അനഘ മായ രവി എന്നിവരാണ് സിനിമയില് മറ്റ് പ്രധാന വേഷങ്ങളില് അണിനിരക്കുന്നത്. ചിത്രത്തില് ആര്ജെ ബാലാജിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
