തിരുവനന്തപുരം: ഫ്ളാറ്റില് കിടപ്പുമുറിയിലെ ജനാലയ്ക്കു സമീപം കഞ്ചാവ് കൃഷി നടത്തിവന്ന ഐ.ടി. കമ്പനി മാനേജര് അറസ്റ്റില്. ടെക്നോ പാര്ക്കിലെ ഐടി കമ്പനിയില് ഒന്നരലക്ഷത്തോളം രൂപ പ്രതിമാസശമ്പളമുള്ള ഹരിയാന സ്വദേശി വിശാലി(26)നെയാണ് ശ്രീകാര്യം പോലീസ് അറസ്റ്റ് ചെയ്തത്.
ലഹരി മാഫിയയ്ക്കെതിരേ യു.ഡി.എഫ്. സര്ക്കാര് പ്രഖ്യാപിച്ച ഓപ്പറേഷന് തൂഫാന്റെ ഭാഗമായുള്ള പരിശോധനയിലാണ് പ്രതി കുടുങ്ങിയത്. ചമ്മന്തി അരയ്ക്കാനും പാലില് ചേര്ത്ത് കുടിക്കാനുമാണ് കഞ്ചാവ് വളര്ത്തിയതെന്നാണ് വിശാലിന്റെ മൊഴി. ജൈവവളം മാത്രമാണ് കഞ്ചാവ് കൃഷിക്ക് ഉപയോഗിച്ചിരുന്നത്.
വിശാലിന്റെ ഫ്ളാറ്റില് പോലീസ് നടത്തിയ പരിശോധനയില് 30 സെ.മീ. വരെ ഉയരമുള്ള എഴുപതോളം കഞ്ചാവ് ചെടികള് കണ്ടെത്തി. രാത്രിയിലായിരുന്നു കഞ്ചാവ് കൃഷി പരിപാലനം. സ്വന്തം ഉപയോഗത്തിനായാണ് കഞ്ചാവ് വളര്ത്തിയത്.
വില്ക്കാന് ഉദ്ദേശ്യമില്ലായിരുന്നു. കഞ്ചാവ് ഇലകള് അരച്ച് പാലില് ചേര്ത്തും ചമ്മന്തിയായും ഇയാള് ഉപയോഗിച്ചിരുന്നതായി പോലീസ് പറഞ്ഞു. പ്രതിയെ കോടതിയില് ഹാജരാക്കി. ഫ്ളാറ്റിലെത്തിയ സുഹൃത്താണ് വിശാലിനെ കുടുക്കിയതെന്നാണ് സൂചന.
