മുംബൈ: വിപണിയിലെ പ്രതീക്ഷകളെയും മറികടന്ന് നടപ്പ് സാമ്പത്തിക വര്ഷത്തെ (2025-26) നാലാം പാദത്തില് ഇന്ത്യന് സമ്പദ്വ്യവസ്ഥ മികച്ച പ്രകടനം കാഴ്ചവച്ചു. ഔദ്യോഗിക കണക്കുകള് പ്രകാരം യഥാര്ത്ഥ മൊത്ത ആഭ്യന്തര ഉത്പാദനം (ജി.ഡി.പി) മുന്വര്ഷത്തെ അപേക്ഷിച്ച് 7.8 ശതമാനം വളര്ച്ചയാണ് രേഖപ്പെടുത്തിയത്. ഇതോടെ ഈ സാമ്പത്തിക വര്ഷത്തെ ആകെ വളര്ച്ച 7.7 ശതമാനമായി നിശ്ചയിച്ചിരിക്കുകയാണ്.
സ്ഥിരവില അടിസ്ഥാനമാക്കിയുള്ള യഥാര്ത്ഥ ജി.ഡി.പി, കഴിഞ്ഞ സാമ്പത്തിക വര്ഷത്തെ ഇതേ പാദത്തിലെ 81.40 ലക്ഷം കോടി രൂപയില് നിന്ന് ഈ വര്ഷം നാലാം പാദത്തില് 87.77 ലക്ഷം കോടി രൂപയായി ഉയര്ന്നു. ഈ പാദത്തിലെ നാമമാത്ര (നോമിനല്) ജി.ഡി.പി 94.65 ലക്ഷം കോടി രൂപയായി കണക്കാക്കുന്നു;ഇത് 9.1 ശതമാനം വളര്ച്ചയാണ് കാണിക്കുന്നത്.
2025-26 സാമ്പത്തിക വര്ഷത്തില് യഥാര്ത്ഥ ജി.ഡി.പി 323.12 ലക്ഷം കോടി രൂപയാകുമെന്നാണ് കണക്കാക്കുന്നത്. മുന് വര്ഷത്തെ (2024-25) ആദ്യ പരിഷ്കരിച്ച കണക്കായ 299.89 ലക്ഷം കോടി രൂപയുമായി താരതമ്യം ചെയ്യുമ്പോള് ഇത് 7.7 ശതമാനം വളര്ച്ച പ്രതിഫലിപ്പിക്കുന്നു. ഈ വര്ഷത്തെ നാമമാത്ര ജി.ഡി.പി 8.9 ശതമാനം വളര്ച്ചയോടെ 346.36 ലക്ഷം കോടി രൂപയായി കണക്കാക്കപ്പെടുന്നു.
