' ഓപ്പറേഷന് തൂഫാന്' പദ്ധതിക്ക് പിന്തുണ പ്രഖ്യാപിച്ച് സംവിധായകനും ബിഗ് ബോസ് താരവുമായ അഖില് മാരാര്. ആഭ്യന്തര മന്ത്രി രമേശ് ചെന്നിത്തലയുമായി കൂടിക്കാഴ്ച നടത്തിയതിന്റെ വീഡിയോയും അഖില് മാരാര് പങ്കുവച്ചിട്ടുണ്ട്.
ആര് ഭരിച്ചാലും നാടിന് ഗുണം ഉണ്ടാവുമെങ്കില് അതിനെ അനുകൂലിക്കുന്നതാണ് പ്രതിപക്ഷ മര്യാദ എന്ന് അഖില് മാരാര് ഫേസ്ബുക്കില് കുറിച്ചു. നമ്മുടെ നാടിനെ ലഹരി വിമുക്തമാക്കാന് താനും ഒപ്പം ഉണ്ടാകുമെന്ന് അഖില് മാരാര് കൂട്ടിച്ചേര്ത്തു.
അധികാരം ജനങ്ങള്ക്ക് വേണ്ടിയാണ്. നാടിന് മാറ്റം കൊണ്ട് വരാന് ആഗ്രഹിച്ചിട്ട് കാര്യമില്ല അതിനുള്ള സ്ഥാനം ലഭിക്കണം.1989 ലെ നിയമ സഭയില് ബ്ലേഡ് മാഫിയകളെ നിയന്ത്രിക്കണമെന്ന് പ്രസംഗിച്ച രമേശ് ചെന്നിത്തല പിന്നീട് ആഭ്യന്തര മന്ത്രി ആയപ്പോള് ആ ലക്ഷ്യം നിറവേറ്റി. അത് പോലെ പ്രതിപക്ഷത്തു ഒരു MLA ആയി ഇരുന്ന സമയം നമ്മുടെ നാട്ടില് പടരുന്ന ലഹരി എന്ന വിപത്തിനെ കുറിച്ച് കാര്യ ക്ഷമമായി ഇടപെട്ടു. ഇപ്പോഴിതാ ഓപ്പറേഷന് തൂഫാനിലൂടെ കാര്യങ്ങള് നടപ്പിലാക്കുന്നു. ആര് ഭരിച്ചാലും നാടിന് ഗുണം ഉണ്ടാവുമെങ്കില് അതിനെ അനുകൂലിക്കുന്നതാണ് പ്രതിപക്ഷ മര്യാദ. മുന്പ് ഞാന് ഉള്പ്പെടെ പങ്ക് വെച്ച വിഷയങ്ങള് ആയത് കൊണ്ട് നമ്മുടെ നാടിനെ ലഹരി മുക്തമാക്കാന് ഞാനും ഒപ്പം ഉണ്ടാവും. എല്ലാ വിധ പിന്തുണയും- അഖില് മാരാര് കുറിച്ചു.
