ന്യൂഡല്ഹി : ലഖ്നൗ-ഡൽഹി ഇൻഡിഗോ വിമാനത്തിന് ബോംബ് ഭീഷണി. വിമാനം പറന്നുയരുന്നതിന് മിനിറ്റുകൾക്ക് മുമ്പ് ബോംബ് ഭീഷണി ലഭിച്ചതായി വാർത്താ ഏജൻസിയായ എഎൻഐ റിപ്പോർട്ട് ചെയ്തു. 180 യാത്രക്കാരുമായി ഇന്ഡിഗോ വിമാനം രാവിലെ 10:45 ന് ലഖ്നൗവില് നിന്ന് ഡല്ഹിയിലേക്ക് പുറപ്പെടേണ്ടതായിരുന്നു.
വിമാനത്തിന്റെ ടോയ്ലറ്റില് 'ബോംബ്' എന്ന് എഴുതിയ ഒരു ടിഷ്യു പേപ്പര് കണ്ടെത്തിയതായും ഇത് പരിഭ്രാന്തി പരത്തിയെന്നും എന്നാല് അത് വ്യാജമാണെന്നും മറ്റൊരു വൃത്തങ്ങള് പിടിഐയോട് പറഞ്ഞു.
പരിശോധനയ്ക്കിടെ വിമാനത്തില് ബോംബോ ദോഷകരമായ വസ്തുക്കളോ കണ്ടെത്തിയിട്ടില്ലെന്നും കൂടുതല് നിയമപരവും സുരക്ഷാ നടപടിക്രമങ്ങളും നടന്നുവരികയാണെന്നും ഉദ്യോഗസ്ഥര് പറഞ്ഞു.
