ഒരുകാലത്ത് ഇന്ത്യയൊട്ടാകെ ആരാധകരുളള നടിയായിരുന്നു സിമ്രാന്. തമിഴ്, തെലുങ്ക്, ഹിന്ദി, മലയാളം, കന്നഡ തുടങ്ങിയ ഭാഷകളിലായി ഒട്ടേറെ ഹിറ്റ് സിനിമകളില് സിമ്രാന് അഭിനയിച്ചിട്ടുണ്ട്.
മകന്റെ പിറന്നാളിന് സോഷ്യല് മീഡിയയില് കുറിപ്പ് പങ്കുവച്ചിരിക്കുകയാണ് താരം. സിമ്രാന്റെ മൂത്തമകന് അദീപ് ബഗ്ഗയുടെ 21-ാം ജന്മദിനമാണിന്ന്.
'എന്റെ കൈകള് മുറുകെ പിടിച്ചിരുന്ന ചെറിയ കൈകളില് നിന്ന് ലോകത്തെ ഏറ്റെടുക്കാന് തയ്യാറായ ഒരു ചെറുപ്പക്കാരനായി നീ വളര്ന്നിരിക്കുന്നു. ആ ഓമനത്തമുള്ള കുഞ്ഞില് നിന്ന് ഇന്നത്തെ അവിശ്വസനീയ വ്യക്തിയായി നീ വളരുന്നത് കാണുന്നത് ഞങ്ങള്ക്ക് ലഭിച്ച ഏറ്റവും വലിയ അനുഗ്രഹമാണ്. ജന്മദിനാശംസകള് അദീപ്...' സിമ്രാന് കുറിച്ചു.
മകന് കാറോടിക്കുന്ന ചിത്രത്തിനൊപ്പം ഭര്ത്താവ് ദീപക് ബഗ്ഗയും മകന് ആശംസകള് നേര്ന്നിട്ടുണ്ട്. 2003-ലായിരുന്നു സിമ്രാന്റെയും ദീപക്കിന്റെയും വിവാഹം. ആദിത് ബഗ്ഗ എന്നൊരു മകനും കൂടിയുണ്ട് ഈ ദമ്പതികള്ക്ക്.
