തമിഴ് സിനിമയിലെ ശ്രദ്ധേയനായ നടനാണ് നകുല്. നടി ദേവയാനിയുടെ സഹോദരന് കൂടിയാണ് താരം. 2003-ല് ഷങ്കര് സംവിധാനം ചെയ്ത ' ബോയ്സ്' എന്ന സിനിമയിലൂടെയായിരുന്നു നകുലിന്റെ അരങ്ങേറ്റം.
ശ്രുതി ആണ് നടന്റെ ജീവിതപങ്കാളി. നീണ്ട അഞ്ച് വര്ഷത്തെ പ്രണയത്തിനൊടുവിലാണ് ഇരുവരും വിവാഹം കഴിക്കുന്നത്. രണ്ട് മക്കളാണ് ദമ്പതികള്ക്കുളളത്. ഇപ്പോള് നകുലിന് ജന്മദിനം ആശംസിച്ച് കൊണ്ട് ശ്രുതി പങ്കുവച്ച കുറിപ്പാണ് ശ്രദ്ധ നേടുന്നത്.
''എന്റെ പ്രിയപ്പെട്ട വ്യക്തിക്ക്, പ്രിയപ്പെട്ട രക്ഷകര്ത്താവിന് , എന്റെ പ്രിയപ്പെട്ട തലവേദനയ്ക്ക്, പ്രിയപ്പെട്ട ഉറ്റസുഹൃത്തിന് ജന്മദിനാശംസകള്.
അദ്ദേഹം കാപ്പിയാണ്, ഞാന് ചായയും. അദ്ദേഹം യുക്തിയാണ്, ഞാന് വികാരങ്ങളും. അദ്ദേഹം ഒരേസമയം മൂന്ന് പ്രൊജക്റ്റുകള്ക്കും, രണ്ട് വര്ക്കൗട്ടുകള്ക്കും, ഒരു സംഗീത പരിപാടിക്കും തയ്യാറാണ്. ഞാന് ആകട്ടെ, എല്ലാവരും ആവശ്യത്തിന് വെള്ളം കുടിച്ചോ എന്നും നമുക്ക് ഒരു മിനിറ്റ് ഇരിക്കാമോ എന്നും ആലോചിച്ചു കൊണ്ടിരിക്കുകയാണ്! (അതൊരു ജെമിനി സ്വഭാവം ആയിരിക്കാം!)
ഞങ്ങള് വഴക്കിടും, ചിരിക്കും, ദിവസവും പരസ്പരം ശല്യപ്പെടുത്തും, എങ്കിലും എങ്ങനെയോ ഇതെല്ലാം ഭംഗിയായി മുന്നോട്ട് പോകുന്നു. അവന് പാട്ടുപാടും, ഗിത്താറും പിയാനോയും വായിക്കും, ജിമ്മില് പോകും, ഒരു മികച്ച അച്ഛനായിരിക്കും, അതിനെല്ലാം പുറമെ എന്നെ സഹിക്കാന് എങ്ങനെയോ ഇപ്പോഴും അദ്ദേഹത്തിന്റെ കൈയില് ഊര്ജ്ജം ബാക്കിയുണ്ടാകും. (വേറെ വഴികളൊന്നുമില്ലല്ലോ തീര്ച്ചയായും)
ഇന്ന് 42 വയസ്സായി, പക്ഷേ കാണാന് 24 വയസ്സിന്റെ ലുക്ക് ഉണ്ട്. ഈ ജനിതകഗുണം ഒട്ടും ന്യായമല്ല, എങ്കിലും ഞാന് അദ്ദേഹത്തെ എന്റെ കൂടെത്തന്നെ നിര്ത്തും. ഇനിയും ഒരുപാട് ചിരിക്കാനും, കൂടുതല് യാത്രകള്ക്കും, ഒന്നുമില്ലാത്ത കാര്യങ്ങള്ക്ക് വേണ്ടിയുള്ള തര്ക്കങ്ങള്ക്കും, ഒന്നിച്ച് പ്രായമാകാനും ഇതാ ആശംസകള്... അതും നീ ഒടുവില് എപ്പോഴാണോ പ്രായമാകാന് തീരുമാനിക്കുന്നത് അപ്പോള്'' , എന്നാണ് ശ്രുതി കുറിച്ചത്. നകുലിനൊപ്പമുളള മനോഹരചിത്രങ്ങളും ശ്രുതി പങ്കുവച്ചു.
