തിരുവനന്തപുരം: കെഎസ്ആര്ടിസി ഓര്ഡിനറി ബസുകളില് സ്ത്രീകള്ക്കായുള്ള ഏറെ പ്രതീക്ഷയോടെ കാത്തിരുന്ന സൗജന്യ യാത്രാ പദ്ധതിയായ 'പ്രിയദര്ശിനി' ഔദ്യോഗികമായി ആരംഭിച്ചു. തിരുവനന്തപുരത്ത് നടന്ന സംസ്ഥാനതല ഉദ്ഘാടനം മുഖ്യമന്ത്രി വി. ഡി. സതീശന് നിര്വ്വഹിച്ചപ്പോള്, തൃശൂരില് വെച്ച് ആഭ്യന്തര മന്ത്രി രമേശ് ചെന്നിത്തല പദ്ധതിയുടെ ഉദ്ഘാടനം നടത്തി. പദ്ധതി നിലവില് വന്നതോടെ വിവിധ റൂട്ടുകളില് വനിതാ യാത്രക്കാരുടെ വന് തിരക്കാണ് അനുഭവപ്പെടുന്നത്.
യാത്ര സുഗമമാക്കുന്നതിനായി യാത്രക്കാര് ചില പ്രധാന നിയമങ്ങളും പ്രവര്ത്തന മാര്ഗ്ഗനിര്ദ്ദേശങ്ങളും നിര്ബന്ധമായും ഓര്മ്മിക്കേണ്ടതുണ്ട്. യാത്ര പൂര്ണ്ണമായും സൌജന്യമാണെങ്കിലും, യാത്രക്കാര് തങ്ങള് ഇറങ്ങേണ്ട സ്ഥലം കണ്ടക്ടറോട് പറഞ്ഞ് 'സീറോ-വാല്യൂ' ടിക്കറ്റ് കൈപ്പറ്റേണ്ടതാണ്.
ടിക്കറ്റില് രേഖപ്പെടുത്തിയ സ്റ്റോപ്പിന് മുന്പോ ശേഷമോ ആണ് ഇറങ്ങേണ്ടതെങ്കില്, ആ വിവരം ഉടന് തന്നെ കണ്ടക്ടറെ അറിയിക്കേണ്ടതാണ്.കൂടെയുള്ള 5 നും 11 നും ഇടയില് പ്രായമുള്ള ആണ്കുട്ടികള്ക്ക് പണം നല്കി പകുതി നിരക്കിലുള്ള ടിക്കറ്റ് എടുക്കണം. ഒപ്പമുള്ള പുരുഷന്മാര്ക്ക് സാധാരണ നിരക്കിലുള്ള ടിക്കറ്റ് വാങ്ങണം. പുരുഷന്മാരാണ് ഒപ്പമുള്ള സ്ത്രീകള്ക്കും കൂടി ടിക്കറ്റ് എടുക്കുന്നതെങ്കില്, കണ്ടക്ടര് ടിക്കറ്റ് മെഷീനില് വിവരങ്ങള് രേഖപ്പെടുത്തുന്നതിന് മുന്പ് തന്നെ വനിതകള് കൂടെയുള്ള കാര്യം വ്യക്തമാക്കണം.
ഈ ആനുകൂല്യം ലഭിക്കുന്നതിന് യാതൊരുവിധ രജിസ്ട്രേഷനോ, പ്രത്യേക തിരിച്ചറിയല് കാര്ഡോ, പ്രായം തെളിയിക്കുന്ന രേഖകളോ ആവശ്യമില്ല. ഓര്ഡിനറി ബസുകളിലെ സാധാരണ നിയമം ബാധകമായിരിക്കും വനിതകള്ക്ക് 15 കിലോഗ്രാം വരെയുള്ള ലഗേജ് സൌജന്യമായി കൊണ്ടുപോകാം. ഈ പദ്ധതിയില് വിദ്യാര്ത്ഥിനികള് ഉള്പ്പെടെ എല്ലാ പ്രായത്തിലുള്ള സ്ത്രീകള്ക്കും ഭിന്നലിംഗക്കാര്ക്കും ബാധകമാണ്.
എല്ലാ വനിതാ യാത്രക്കാര്ക്കും യാത്ര പൂര്ണ്ണമായും സൗജന്യമാക്കിയതിനാല്, വിദ്യാര്ത്ഥിനികള്ക്ക് ഇനി മുതല് ഓര്ഡിനറി കെഎസ്ആര്ടിസി ബസുകളില് കണ്സെഷന് കാര്ഡുകളുടെ ആവശ്യമില്ല. മൊത്തം 3,125 ബസുകളിലാണ് ഈ സൗകര്യം ഏര്പ്പെടുത്തിയിരിക്കുന്നത്. ഈ ബസുകളുടെ മുന്നിലും വശങ്ങളിലും 'പ്രിയദര്ശിനി സ്ത്രീ സൗജന്യ യാത്ര' എന്ന് വ്യക്തമായി എഴുതുകയും പ്രത്യേക സ്റ്റിക്കര് പതിപ്പിക്കുകയും ചെയ്തിട്ടുണ്ടാകും. സിറ്റി ഓര്ഡിനറി, ലിമിറ്റഡ് സ്റ്റോപ്പ് / ഓര്ഡിനറി, ടൗണ്-ടു-ടൗണ്, ഫെയര്സ്റ്റേജ് ലിമിറ്റഡ് സ്റ്റോപ്പ്, പോയിന്റ്-ടു-പോയിന്റ് / ഓര്ഡിനറി, ഗ്രാമവണ്ടി ബസുകളിലാണ് ഈ സൗകര്യം.
