തിരുവനന്തപുരം : സംസ്ഥാനത്ത് ആരോഗ്യവകുപ്പിന് വീണ്ടും ഗുരുതര വീഴ്ച.പറാശ്ശാല താലൂക്ക് ആശുപത്രിയില് മൂന്ന് വയസുകാരിക്ക് കാലാവധി കഴിഞ്ഞ മരുന്ന് നല്കിയെന്ന് ആരോപണം. പാറശ്ശല സ്വദേശിയുടെ മകള്ക്കാണ് കാലാവധി കഴിഞ്ഞ മരുന്ന് നല്കി ഡ്രിപ്പ് ഇട്ടത് . ഇക്കഴിഞ്ഞ ഏപ്രില് കാലവധി തീര്ന്ന മരുന്നാണ് കുട്ടിക്ക് നല്കിയത് .
സംഭവത്തില് ഡിവൈഎഫ്ഐ് പാറശ്ശാല ബ്ലോക്ക് കമ്മിറ്റിയുടെ നേതൃത്വത്തില് ആശുപത്രിയിലേയക്ക് പ്രതിക്ഷേധ മാര്ച്ച് സംഘടിപ്പിച്ചു. വലിയ പോലീസ് സന്നാഹമാണ് പ്രദേശത്ത് സജ്ജമായിരുന്നത് . ആശുപത്രിയുടെ പ്രധാന കവാടം ബാരിക്കേഡ് വെച്ച് തടഞ്ഞിരുന്നു .
അതേസമയം പരാതിയില പ്രതികരണവുമായി ആശുപത്രി സൂപ്രണ്ട് രംഗത്തെത്തി. ആശുപത്രിയുടെ പഴയ കെട്ടിടത്തില് നിന്നും പുതിയ കെട്ടിടത്തിലേക്ക് മരുന്നുകള് മാറ്റുന്നതിനിടെ സംഭവിച്ച പിഴവാകാമെന്നായിരുന്നു ആശുപത്രി സൂപ്രണ്ടിന്റെ മറുപടി.
