ശാലീനസൗന്ദര്യവും അഭിനയമികവും കൊണ്ട് മലയാള സിനിമയിൽ തന്റേതായ ഒരിടം കണ്ടെത്തിയ താരമായിരുന്നു സംവൃത സുനിൽ. ചുരുക്കം സിനിമകളിലൂടെ തന്നെ മലയാളസിനിമാപ്രേക്ഷകരുടെ ഹൃദയം കീഴടക്കാന് സംവൃതയ്ക്ക് കഴിഞ്ഞു. കരിയറിന്റെ പീക്ക് ടൈമിലാണ് സംവൃത വിവാഹിതയായതും അമേരിക്കയിലേക്ക് ചേക്കേറിയതും. അതിനുശേഷം അഭിനയത്തിന്റെ തിരക്കുകളിൽ നിന്നെല്ലാം മാറി തന്റെ കുടുംബജീവിതം ആസ്വദിക്കുന്ന താരം ഭർത്താവ് അഖിൽ രാജിനും മക്കളായ അഗസ്ത്യയ്ക്കും രുദ്രയ്ക്കുമൊപ്പം അമേരിക്കയില് തന്നെയാണ്.
ഇടയ്ക്ക് റിയാലിറ്റി ഷോയില് ജഡ്ജായും ഒന്ന് രണ്ട് സിനിമകളില് അഭിനയിച്ചും സംവൃത വീണ്ടും പ്രേക്ഷകര്ക്ക് മുന്നിലെത്തി. സിനിമകളില് നിന്ന് വിട്ടകന്നു നില്ക്കുകയാണെങ്കിലും ഇന്നും പ്രേക്ഷകര്ക്ക് പ്രിയങ്കരിയാണ് സംവൃത. അതുകൊണ്ട് സോഷ്യല് മീഡിയയില് സജീവമായ താരം പങ്കിടുന്ന എല്ലാ വിശേഷങ്ങളും ചിത്രങ്ങളും വളരെ വേഗത്തില് ആരാധകര് ഏറ്റെടുക്കാറുണ്ട്.
ഇപ്പോഴിതാ അമ്മയുടെ സാരിയണിഞ്ഞുള്ള തന്റെ പുതിയ ചിത്രങ്ങള് പങ്കിടുകയാണ് സംവൃത. വൈബ്രന്റ് പാരറ്റ് ഗ്രീൻ, ഡീപ മജന്ത, എലഗന്റ് ഓഫ്-വൈറ്റ് കോമ്പിനേഷനിലെ ട്രൈകളര് കോട്ടണ് സാരിയില് ക്ലാസിക് എത്നിക് ലുക്കിലുള്ള ചിത്രമാണ് താരം പങ്കിട്ടിരിക്കുന്നത്. ഹൊറിസോണ്ടലായ നേര്ത്ത പിങ്ക് വരകളാണ് ഈ സാരിയുടെ ആകര്ഷണീയത കൂട്ടുന്നത്. മജന്ത, പച്ച നിറങ്ങള് ക്രീമുമായി ചേരുന്നയിടങ്ങളില് പരമ്പരാഗത ടെമ്പിൾ-സ്റ്റൈൽ ജാഗഡ് പാറ്റേണുകളും സാരിയിലുണ്ട്. ഇതിനൊപ്പം എല്ബോ സ്ലീവുള്ള സോളിഡ് മജന്ത ബ്ലൗസാണ് താരം ധരിച്ചിരിക്കുന്നത്.
‘‘എന്റെ അത്രയും പ്രായമുള്ള അമ്മയുടെ സാരിയിൽ...’’ എന്ന ക്യാപ്ഷന് നല്കിയാണ് സംവൃത ചിത്രം പങ്കിട്ടിരിക്കുന്നത്. സാരി കണ്ട് ഇഷ്ടപ്പെട്ട അഭിനേത്രിയായ രജിഷ വിജയന്, ‘ഈ സാരി എത്രയും പെട്ടെന്ന് കടം വാങ്ങും...’ എന്നാണ് കമന്റ് ബോക്സില് കുറിച്ചത്. ‘ഡണ്...’ എന്നാണ് രജിഷയ്ക്ക് സംവൃത നല്കിയ മറുപടി.
