സ്മാര്ട്ട്ഫോണുകള് നമ്മുടെ ദൈനംദിന ജീവിതത്തെ എത്രത്തോളം സ്വാധീനിക്കുന്നുവെന്ന് വ്യക്തമാക്കുന്ന ഒരു യുവാവിന്റെ വേറിട്ട പരീക്ഷണമാണ് ഇപ്പോള് വലിയ ചര്ച്ചയായിരിക്കുന്നത്. സിദ്ധാര്ത്ഥ് ഭീമാനി എന്ന യുവാവാണ് തന്റെ വരാന്ത്യങ്ങളിലെ 'ഡിജിറ്റല് ഡീറ്റോക്സ്' അനുഭവങ്ങള് പങ്കുവെച്ചത്. എല്ലാ വെള്ളിയാഴ്ച രാത്രിയിലും തന്റെ ഐഫോണ് പൂര്ണ്ണമായും ഓഫ് ചെയ്ത്, പകരം രണ്ട് ദിവസത്തേക്ക് ഒരു സാധാരണ നോക്കിയ ഫ്ലിപ്പ് ഫോണ് ഉപയോഗിക്കാന് തുടങ്ങിയതോടെ ജീവിതത്തില് വലിയ മാറ്റങ്ങളുണ്ടായെന്ന് ഇദ്ദേഹം വ്യക്തമാക്കുന്നു.
തുടക്കത്തില് ഈ മാറ്റം അല്പം ബുദ്ധിമുട്ടായി തോന്നിയെങ്കിലും, സോഷ്യല് മീഡിയ നോട്ടിഫിക്കേഷനുകളുടെയും മറ്റ് ആപ്പുകളുടെയും ശല്യമില്ലാതായതോടെ തനിക്ക് ധാരാളം ഒഴിവുസമയം ലഭിച്ചതായി സിദ്ധാര്ത്ഥ് പറയുന്നു. ഈ സമയം അദ്ദേഹം പുസ്തകങ്ങള് വായിക്കാനും മകളോടൊപ്പം കളിക്കാനും കുടുംബത്തോടൊപ്പം ഗുണനിലവാരമുള്ള നിമിഷങ്ങള് ചിലവഴിക്കാനും ഉപയോഗിച്ചു. സ്മാര്ട്ട്ഫോണ് അകറ്റിനിര്ത്തിയതോടെ തന്റെ മനസ്സിലെ ഉത്കണ്ഠ കുറയുകയും മാനസികാവസ്ഥ കൂടുതല് ശാന്തമാകുകയും ചെയ്തതായി അദ്ദേഹം കുറിച്ചു.
എന്നിരുന്നാലും, ഇന്നത്തെ കാലത്ത് സ്മാര്ട്ട്ഫോണുകളെ നമ്മള് എത്രത്തോളം അമിതമായി ആശ്രയിക്കുന്നുണ്ടെന്ന് മനസ്സിലാക്കാന് ഈ അനുഭവം സഹായിച്ചതായും അദ്ദേഹം സമ്മതിക്കുന്നു. യാത്രാവേളകളില് മാപ്പുകള് , ഓണ്ലൈന് പേയ്മെന്റ് ആപ്പുകള്, ഫുഡ് ഡെലിവറി എന്നിവയൊന്നും ഉപയോഗിക്കാന് കഴിയാത്തത് വലിയ പ്രായോഗിക ബുദ്ധിമുട്ടുകള് ഉണ്ടാക്കി. ഹോട്ടല് ബില്ലുകള് അടയ്ക്കുമ്പോഴും മറ്റും ഡിജിറ്റല് കാര്ഡുകളും ഓഫറുകളും ഉപയോഗിക്കാന് കഴിയാത്തത് പ്രയാസകരമായിരുന്നുവെന്നും ചില സമയങ്ങളില് ഭാര്യയുടെ ഫോണിനെ ആശ്രയിക്കേണ്ടി വന്നതായും അദ്ദേഹം കൂട്ടിച്ചേര്ത്തു.
മറ്റ് ചാര്ജറുകള് കൊണ്ടുനടക്കേണ്ടി വരിക, കോണ്ടാക്റ്റുകള് മാറ്റുന്നതിലെ തടസ്സങ്ങള് തുടങ്ങിയ നിരവധി അസൗകര്യങ്ങള് ഉണ്ടായെങ്കിലും, ഞായറാഴ്ച വൈകുന്നേരമായപ്പോഴേക്കും സോഷ്യല് മീഡിയയുടെ അഭാവം തന്നെ ഒട്ടും അലട്ടിയില്ലെന്ന് സിദ്ധാര്ത്ഥ് പറയുന്നു. സാങ്കേതികവിദ്യയില് നിന്നുള്ള ചെറിയൊരു ഇടവേള മാനസികമായി വലിയ ആശ്വാസം നല്കുമെങ്കിലും, ഇന്നത്തെ ഡിജിറ്റല് ലോകത്ത് സ്മാര്ട്ട്ഫോണുകള് പൂര്ണ്ണമായി ഒഴിവാക്കുന്നത് പ്രായോഗികമായി എത്രത്തോളം സങ്കീര്ണ്ണമാണെന്ന് കാണിച്ചുതരുന്നതാണ് ഈ യുവാവിന്റെ അനുഭവം.
I used to do a digital detox on weekends.
Every Friday night, I would switch off my iPhone for 2 days and move to my Nokia flip phone.
And honestly, the results surprised me.
Pros:
✅ Zero distractions. I suddenly had so much free time that I started reading books, playing… pic.twitter.com/8ugS0XS6vo— Siddharth Bhimani. (@wittysiddharth) June 20, 2026
