തിരുവനന്തപുരം: അങ്കണവാടിയില് മൂന്നരവയസ്സുകാരി പീഡനത്തിന് ഇരയായ സംഭവത്തില് അംഗണവാടി ടീച്ചറെയും ആയയെയും ചോദ്യം ചെയ്യും. പ്രതിയുടെ പ്രവര്ത്തിയെക്കുറിച്ച് ഇരുവര്ക്കും അറിയുമായിരുന്നോ എന്ന കാര്യം അറിയുന്നതാണ് ലക്ഷ്യം. പ്രതി കാശിനാഥന് ലഹരി ഉപയോഗിക്കുന്നയാളാണെന്ന് പോലീസ് കണ്ടെത്തിയിട്ടുണ്ട്. ഇയാള് പതിവായി അംഗനവാടിയില് എത്തുമായിരുന്നെന്നും കുട്ടികളെ എടുക്കുകയും മറ്റും ചെയ്തിരുന്നതായും പോലീസ് നടത്തിയ അന്വേഷണത്തില് കണ്ടെത്തിയിട്ടുണ്ട്.
പ്രതിയുടെ മാതാവ് കൂടിയായിരുന്ന അംഗണവാടി ടീച്ചര്ക്ക് പ്രതിയുടെ പ്രവര്ത്തിയെക്കുറിച്ച് അറിയുമായിരുന്നോ എന്നറിയുന്നതിനാണ് മൊഴിയെടുക്കുന്നത്. അറിയാമായിരുന്നെങ്കില് അവരെയും പ്രതിചേര്ക്കേണ്ട സാഹചര്യം ഉണ്ടാകും. ഇന്നോ നാളെയോ അമ്മയെ ചോദ്യം ചെയ്യും. അംഗനവാടി ആയയുടേയും മൊഴിയെടുക്കും. നേരത്തേ പ്രതിയെ അംഗനവാടിയില് എത്തുന്നതിനെ ആയ തടഞ്ഞിരുന്നതായി പോലീസിന് വിവരം കിട്ടിയിട്ടുണ്ട്. ഇത് എന്തിനായിരുന്നു എന്നും മുമ്പും പ്രതി സമാന പ്രവര്ത്തി ചെയ്തിരുന്നോ എന്ന ചോദ്യവും ഉയര്ന്നിട്ടുണ്ട്. സംഭവത്തില് പ്രതിയെ വീണ്ടും ചോദ്യം ചെയ്തേക്കും.
പ്രതി കുറ്റം സമ്മതിച്ചിട്ടുണ്ട്. കഴിഞ്ഞ 18 ാം തീയതി അങ്കണവാടിയിവെച്ചാണ് കുട്ടിക്ക് നേരെ ലൈംഗികാതിക്രമം നടന്നത്. മാതാവിന് ഇയാളുടെ ഇത്തരത്തിലുള്ള നീക്കം അറിയാമായിരുന്നു എങ്കില് അറിഞ്ഞിട്ടും കുറ്റം മറച്ചുവെച്ചതിന് മാതാവിനെതിരേയും കേസെടുക്കുന്ന സാഹചര്യം ഉണ്ടായേക്കും.
