കാന്സര് ചികിത്സയില് കഴിയുന്ന രേണു സുധിയെ കാണാന് താന് പോയിരുന്നുവെന്നും എന്നാല് ചേച്ചിയെ ഈ അവസ്ഥയില് കണ്ടപ്പോള് പോവണ്ടായിരുന്നു എന്ന് തോന്നിയെന്നും പ്രതീഷ് പ്രകാശ്. രേണുവിനൊപ്പം ആല്ബങ്ങളില് അഭിനയിച്ചിട്ടുണ്ട് പ്രതീഷ്. എനിക്ക് തിരിച്ചു വരാന് സാധിക്കില്ലെന്നും ആരെയും ബുദ്ധിമുട്ടിക്കാതെ പോയാമതി എന്ന് രേണു സുധി തന്നോട് പറഞ്ഞതായും പ്രതീഷ് കുറിച്ചു.
'' ഇന്ന് ഞാന് രേണു ചേച്ചിയെ കാണാന് പോയിരുന്നു. എന്നാല് അവരെ ഈ അവസ്ഥയില് കണ്ടപ്പോള് പോവണ്ടായിരുന്നു എന്ന് വരെ തോന്നി. അവരെ ഞാന് ചിരിച് മുഖത്തോടെ അല്ലാതെ ഇതുവരെ ഞാന് കണ്ടിട്ട് ഇല്യാ. ഒന്ന് നേരാവണ്ണം എഴുനേല്ക്കാന് സാധിക്കാതെ അവര് അവിടെ കിടപ്പുണ്ട്. ഇത് എന്റെ അവസാന പോസ്റ്റ് ആണ്. അഹ് ചേച്ചിയെ കുറിച്ച്. പ്രിയപ്പെട്ട രേണു ചേച്ചി ഇന്ന് ഞാന് നിങ്ങളോട് കുറെ നേരം സംസാരിച്ചു. അതിലൊക്കെ നിങ്ങള് എന്നോട് പറഞ്ഞ ഒരു കാര്യം ഉണ്ട്. തിരിച്ചു വരാന് എനിക്ക് സാധിക്കില്ല ഇനി. എന്റെ മുടി പോയി, ആരോഗ്യം പോയി, ആരെയും ബുദ്ധിമുട്ടിക്കാതെ പോയാമതി എന്ന്.നിങ്ങള് ഒന്ന് ഓര്ക്കണം. ഒരു കാലത്ത് നിങ്ങളെ വെറുത്തവര് പോലും നിങ്ങള്ക്ക് വേണ്ടി പ്രാര്ത്ഥിക്കുന്നുണ്ട്. നിങ്ങളുടെ തിരിച്ചു വരവിനായി കാത്തിരിക്കുന്നുണ്ട്. അഹ് ഒരു ധൈര്യത്തില് നിങ്ങള് മുന്നോട്ട് പോവണം. എന്നും ചിരിച്ചു കണ്ട നിങ്ങളെ ഇങ്ങനെ കാണാന് എനിക്ക് സാധിക്കുന്നില്ല. നല്ലത് മാത്രം നിങ്ങള്ക് വരട്ടെ'', എന്നാണ് രേണുവിനൊപ്പമുളള പഴയ ചിത്രങ്ങള് പങ്കുവച്ച് പ്രതീഷ് കുറിച്ചത്.
അന്തരിച്ച മിമിക്രി കലാകാരനും നടനുമായ കൊല്ലം സുധിയുടെ ഭാര്യയാണ് രേണു സുധി. കൊല്ലം സുധിയുടെ മരണത്തിന് ശേഷമാണ് രേണുവും കുടുംബവും മലയാളികള്ക്ക് കൂടുതല് സുപരിചിതരാവുന്നത്. സോഷ്യല് മീഡിയയിലും ആല്ബങ്ങളിലുമൊക്കെ സജീവമായിരുന്നു രേണു. ഭര്ത്താവിന്റെ മരണശേഷം ഏറെ വിമര്ശനങ്ങളും പരിഹാസങ്ങളും നേരിടേണ്ടി വന്നിട്ടുണ്ട് രേണുവിന്. എങ്കിലും തോല്ക്കാന് താരം തയ്യാറായിരുന്നില്ല. ജീവിതം പതിയെ തിരികെ പിടിക്കുന്നതിനിടയിലാണ് കാന്സര് രേണുവിനെ തളര്ത്തുന്നത്. എങ്കിലും കാന്സറിനെ അതിജീവിച്ച് പഴയ ജീവിത്തതിലേക്ക് രേണു തിരികെ എത്തും എന്ന പ്രതീക്ഷയിലാണ് ആരാധകര്.
