തിരുവനന്തപുരം: ചമ്പക്കുളം മൂലം വളളംകളിയക്ക് കുട്ടനാടിന് അവധി കൊണ്ടുക്കില്ലെന്ന് പറഞ്ഞ മുഖ്യമന്ത്രി വിഡി സതീശിന് മറുപടി നല്കി കുട്ടനാട് എംഎല്എ റെജിചെറിയാന് . മുഖ്യമന്ത്രിയുടെ പ്രതികരണത്തില് വിഷമം തോന്നിയെന്ന് എംഎല്എ പറഞ്ഞു. താനും ഒരു മനുഷ്യന് ആണല്ലോ. കന്നി സബ്മിഷനില് തന്നെ ഇങ്ങനെ ഉണ്ടായതില് വിഷമമുണ്ട്. പ്രചരിക്കുന്നത് യഥാര്ത്ഥ വീഡിയോ ആണോ എന്ന് മുഖ്യമന്ത്രിയോട് ചോദിക്കും.
കുട്ടനാടിന് വേണ്ടിയാണ് അവധി ചോദിച്ചത്. വ്യക്തിപരമായ കാര്യത്തിന് ചോദിച്ച അവധി അല്ല. മുഖ്യമന്ത്രി അങ്ങനെ പറഞ്ഞത് എന്ത് സാഹചര്യത്തിലാണെന്ന് അറിയില്ല. എന്തുകൊണ്ട് അങ്ങനെ പറഞ്ഞു എന്ന് മുഖ്യമന്ത്രിയോട് ചോദിക്കും. മൂലം വള്ളംകളിയുടെ പ്രാധാന്യം മനസ്സിലാക്കും എന്ന് പ്രതീക്ഷ. കുട്ടനാടിന്റെ ഉത്സവമാണ് ആ ദിവസം. അത് ഔദ്യോഗികം ആക്കണമെന്നാണ് തങ്ങളുടെ ആവശ്യം. സര്ക്കാരിന്റെ ഭാഗമായി നടക്കുന്ന വള്ളംകളി തന്നെയാണ് മൂലം വള്ളംകളിയെന്നും അദ്ദേഹം കൂട്ടിച്ചേര്ത്തു.
നിയമസഭയില് റെജി ചെറിയാന് അവതരിപ്പിച്ച സബ്മിഷന് മറുപടി നല്കിയതിന് പിന്നാലെ മുഖ്യമന്ത്രി നടത്തിയ പ്രതികരണമാണ് മൈക്കിലൂടെ പുറത്തായത്. പിന്നാെല വിഷയം സിപിഐഎം ഏറ്റെടുത്തു. വി ഡി സതീശനെ പരിഹസിച്ച് കെ യു ജനീഷ് കുമാര് എംഎല്എ അടക്കമുള്ളവര് രംഗത്തെത്തി. ഇത്രേയുള്ളൂ വി ഡി സതീശന്റെ വിശ്വാസ്യത എന്നായിരുന്നു കെ യു ജനീഷ് പറഞ്ഞത്. അംഗത്തിന്റെ ചോദ്യത്തിന് എഴുതി തയ്യാറാക്കിയ മറുപടി. ശേഷം പുറത്തുവരുന്നത് മനസ്സിലിരിപ്പാണെന്നും ജനീഷ് കുമാര് പരിഹസിച്ചു
