മിയാമി: ഫിഫ ലോകകപ്പിലെ ഗ്രൂപ്പ് ഘട്ട മത്സരങ്ങൾ പൂർത്തിയായതോടെ ടൂർണമെന്റ് ഇനി റൗണ്ട് ഓഫ് 32 പോരാട്ടങ്ങളിലേക്ക് കടക്കുകയാണ്. 48 ടീമുകൾ പങ്കെടുത്ത പുതിയ ഫോർമാറ്റിൽ ഗ്രൂപ്പ് മത്സരങ്ങൾ അവസാനിച്ചപ്പോൾ പ്രവചനങ്ങൾക്ക് അതീതമായ നോക്കൗട്ട് ബ്രാക്കറ്റാണ് രൂപപ്പെട്ടിരിക്കുന്നത്. ഈ ഘട്ടത്തിൽ ഒരു തോൽവി പോലും കിരീട പ്രതീക്ഷകൾക്ക് വിരാമമിടുന്നതിനാൽ ഓരോ മത്സരവും നിർണായകമാകും.
ഗ്രൂപ്പ് ഘട്ടത്തിലെ അവസാന മത്സരങ്ങളിൽ പനാമയെ തോൽപ്പിച്ച ഇംഗ്ലണ്ടും, ജോർദാനെ കീഴടക്കിയ അർജന്റീനയും, ഘാനയെ മറികടന്ന ക്രൊയേഷ്യയും പ്രീക്വാർട്ടറിലേക്ക് മുന്നേറി. പോർച്ചുഗലിനെ സമനിലയിൽ തളച്ച കൊളംബിയ ഗ്രൂപ്പ് ജേതാക്കളായും യോഗ്യത നേടി. ബ്രസീൽ, ഫ്രാൻസ്, ജർമ്മനി, സ്പെയിൻ എന്നിവർ നേരത്തേ തന്നെ നോക്കൗട്ട് ഉറപ്പിച്ചിരുന്നെങ്കിലും, പുറത്തുവന്ന ബ്രാക്കറ്റ് എല്ലാ വമ്പൻ ടീമുകൾക്കും ഒരുപോലെ അനുകൂലമായിട്ടില്ല.
