ഗ്വാദലൂപ്പ് : ലോകകപ്പ് ഫുട്ബോളില് ലോകചാംപ്യന്മാരാകുമെന്ന് പ്രവചിക്കപ്പെട്ട നെതര്ലന്റ്സ് ഷൂട്ടൗട്ടില് തോറ്റ് പുറത്തായപ്പോള് കഴിഞ്ഞ സെമിഫൈനലിസ്റ്റുകളായ മൊറോക്കോ പ്രീക്വാര്ട്ടറില് കടന്നു. സാധാരണസമയത്ത് ഇരുടീമുകളും ഓരോഗോളടിച്ച് പിരിഞ്ഞ മത്സരത്തില് നാടകീയമായ ഷൂട്ടൗട്ടിലാണ് ആഫ്രിക്കന് ടീം ഓറഞ്ചുപടയെ തോല്പ്പിച്ചു വിട്ടത്.
അത്യന്തം നാടകീയമായ ഷൂട്ടൗട്ടില് നെതര്ലണ്ടിന്റെ ക്രിസെന്ഷ്യാ സമ്മര്വില്ല, ക്വിന്റണ് ടിംബര്ലിന്, ജസ്റ്റിന് ക്ലുവര്ട്ട് എന്നിവരുടെ കിക്കുകള് പാഴായപ്പോള് ലക്ഷ്യത്തിലെത്തിയത് ടുവന് കൂപ്പ് മെയ്നര്, വൂട്ട് വെയ്ഗോഴ്സ്റ്റ് എന്നിവര്ക്ക് മാത്രമാണ് സ്കോര് ചെയ്യാനായത്. മറുവശത്ത് മൊറാക്കോയ്ക്കായി യാസിന് ബോണു, ഷെംഡിന് ടാല്ബി, ഇസ്മായില് സല്ബാരി എന്നിവര് സ്കോര് ചെയ്തപ്പോള് സൂപ്പര്താരം അഷ്റഫ് ഹക്കീമി, എല് അല്നോയി എന്നിവരുടെ കിക്കുകള് പാഴായി.
ഇതോടെ മൂന്നാം തവണയാണ് നെതര്ലണ്ട് ലോകകപ്പില് പെനാല്റ്റി ഷൂട്ടൗട്ടില് വീണുപോകുന്നത്. ഇരു ടീമുകളും ഉജ്വലമായി പൊരുതിയ മത്സരത്തില് മുന്നിട്ടു നിന്നത് മൊറോക്കോ തന്നെയായിരുന്നു. അവരുടെ കനത്ത പ്രതിരോധത്തില് നെതര്ലണ്ട് ആക്രമണങ്ങള് പൊട്ടിത്തകരുകയായിരുന്നു. എന്നിരുന്നാലും 72 ാം മിനിറ്റില് ഗക്പോയിലൂടെ ഓറഞ്ചുപട മുന്നിലെത്തിയിരുന്നു. എന്നാല് അവര് ജയിക്കുമെന്ന് അവസാന നിമിഷം വരെ തോന്നിപ്പിച്ച ശേഷം ഇഞ്ചുറിടൈമില് ദിയോപിലൂടെ ആഫ്രിക്കന് ടീം സമനില കൈവരിച്ചു.
അധികസമയത്ത് ഇരു ടീമും എതിരാളികളുടെ ഗോള്മുഖം വരെ എത്തിയെങ്കിലും പ്രതിരോധം മറി കടക്കാനാകാതെ വന്നതിനെ തുടര്ന്നായിരുന്നു പെനാല്റ്റി ഷൂട്ടൗട്ട് വന്നത്. ആദ്യ കിക്ക് എടുക്കാനെത്തിയത് നെതര്ലണ്ടിന്റെ ത്യൂണ് കോപ്മൈനേഴ്സ് ആയിരുന്നു. മൊറോക്കന് കീപ്പര് യാസിന് ബോണോ ശരിയായ ദിശയിലേക്ക് തന്നെ ചാടുകയും ചെയ്തിരുന്നു. എന്നാല് പന്ത് വലയുടെ സൈഡിലേക്ക് കയറി.
എന്നാല് ഒപ്പമെത്താനുള്ള മൊറോക്കോയുടെ ശ്രമം പാളി. അടുത്ത കിക്ക് എടുക്കാന് വന്ന നീല് എല് ഐനൗയിയ്ക്ക് പിഴച്ചു. അദ്ദേഹം അടിച്ച പന്ത് ക്രോസ്സ് ബാറിലിടിച്ചു തെറിച്ചു. സ്കോര് കൂട്ടാനുള്ള നെതര്ലണ്ടിന്റെ ശ്രമം പാളി. ജസ്റ്റിന് ക്ലൂയിവര്ട്ടിന്റെ ഷോട്ട് പോസ്റ്റിലിടിച്ചു. അദ്ദേഹത്തിന്റെ കരിയറില് ഇത് രണ്ടാം തവണയാണ് ഒരു പെനാല്റ്റി നഷ്ടമാകുന്നത്. പിന്നാലെ മൊറോക്കോ ഒപ്പമെത്തി. സുഫിയാന് റഹീമിയുടെ ഷോട്ട് തടയാന് ബാര്ട്ട് വെര്ബ്രൂഗന് താഴേക്ക് ചാടിയെങ്കിലും, പന്ത് അദ്ദേഹത്തിന്റെ ശരീരത്തിനടിയിലൂടെ പതുക്കെ ലൈന് കടന്നുപോയി.
വൗട്ട് വെഗ്ഹോര്സ്റ്റ് നെതര്ലണ്ടിനെ വീണ്ടും മുന്നില്കയറ്റി. വൗട്ട് വെഗ്ഹോര്സ്റ്റിന്റെ പന്ത് പോസ്റ്റിന്റെ മുകളില് വലത് കോര്ണറിലേക്ക് തുളച്ചുകയറി. മൊറോക്കോ 2-2 ന് ഒപ്പമെത്തി. സണ്ടര്ലന്ഡിന്റെ ഷെംസ്ദിന് താല്ബിയുടെ മികച്ചൊരു ഷോട്ട് ബാര്ട്ട് വെര്ബ്രൂഗനെ മറികടന്ന് വലയിലെത്തി. പിന്നാലെ വന്ന ക്വിന്റന് ടിംബറിന് പിഴച്ചു. ക്വിന്റന് ടിംബര് അടിച്ച പന്ത് ഇടത് പോസ്റ്റിന് ഒരുപാട് പുറത്തുകൂടി പോയി. പരിശീലകന് റൊണാള്ഡ് കൂമാന് നിരാശയോടെ തലയില് കൈവെച്ചു.
മൊറോക്കോയുടെ സൂപ്പര്താരം ഹക്കിമിയ്്ക്കും പിഴവ് പറ്റി. മൊറോക്കോ ക്യാപ്റ്റന്റെ ഷോട്ട് പോസ്റ്റിലിടിച്ച് മടങ്ങി. അവസാന അവസരവും നെതര്ലണ്ട് പാഴാക്കി. ക്രിസെന്സിയോ സമ്മര്വില്ലെ പതറിയ നൃത്ത ചുവടുകളോടെയാണ് കിക്ക് എടുത്തതെങ്കിലും യാസിന് ബോണോ അതിന്റെ ആംഗിള് കൃത്യമായി മനസ്സിലാക്കി തടഞ്ഞു. ബോണോ നേരത്തെ തന്നെ ആ ദിശയിലേക്ക് നീങ്ങിയിരുന്നു. സമ്മര്വില്ലെയുടെ ഷോട്ട് നേരെ അദ്ദേഹത്തിന്റെ അടുത്തേക്കാണ് വന്നത്. മൊറോക്കോ ഗോള്കീപ്പര് അത് തട്ടിയകറ്റി.
അവസാന കിക്ക് എടുക്കാന് വന്ന ഇസ്മായീല് സൈബാരി മൊറോക്കോയുടെ വിജയം ഉറപ്പിച്ചു! അദ്ദേഹം പോസ്റ്റിന്റെ താഴെ ഇടത് കോര്ണറിലേക്ക് പന്ത് അടിച്ചുകയറ്റി. ഡച്ച്കീപ്പര് ബാര്ട്ട് വെര്ബ്രൂഗന് ദിശ തെറ്റി. സൈബാരി തന്റെ ജേഴ്സി ഊരി ആരാധകര്ക്ക് നേരെ ഓടി വിജയം ആഘോഷിച്ചു. 2010 ന് ശേഷമുള്ള ലോകകപ്പ് നോക്കൗട്ട് മത്സരങ്ങളില് കഴിഞ്ഞ 10 എണ്ണത്തില് 7 ലും നെതര്ലന്ഡ്സ് മുന്നേറിയിട്ടുണ്ട്. എന്നാല് അവരുടെ കഴിഞ്ഞ 5 മത്സരങ്ങളില് 3 എണ്ണവും പെനാല്റ്റി ഷൂട്ടൗട്ടിലേക്കാണ് നീണ്ടത്.
