മിനിസ്ക്രീന് പ്രേക്ഷകര്ക്ക് ഏറെ പ്രിയങ്കരരാണ് സല്മാനുള് ഫാരിസും ഭാര്യ മേഘ മഹേഷും. കഴിഞ്ഞ വര്ഷം ഫെബ്രുവരിയിലായിരുന്നു ഇരുവരുടെയും രജിസ്റ്റര് വിവാഹം. തങ്ങളുടെ വിശേഷങ്ങളെല്ലാം ഇരുവരും സോഷ്യല് മീഡിയയിലൂടെ ആരാധകര്ക്കായി പങ്കുവെക്കാറുണ്ട്.
ഇപ്പോഴിതാ സല്മാനുളിന് ജന്മദിനാശംസകള് നേര്ന്നുകൊണ്ട് മേഘ പങ്കുവെച്ച കുറിപ്പാണ് സോഷ്യല് മീഡിയയില് ശ്രദ്ധനേടുന്നത്. സല്മാനുളിനൊപ്പമുള്ള പ്രണയാര്ദ്രമായ ചിത്രങ്ങളും താരം പങ്കുവെച്ചിട്ടുണ്ട്.
"എന്റെ പ്രിയപ്പെട്ടവന് ജന്മദിനാശംസകള്. എന്നെന്നും ഞാന് നിന്നെ സ്നേഹിക്കും. അടുത്തത് കാണാന് സ്വൈപ്പ് ചെയ്യൂ. ഇവിടെ വെച്ച് നീ എന്നെ വേണ്ടെന്ന് വെച്ചപ്പോഴാ നിന്നെ എന്റേതാക്കണം എന്ന് ഞാന് തീരുമാനിച്ചത്. ഇപ്പോള് നീ എന്റേത് മാത്രമാണ്," എന്നായിരുന്നു മേഘയുടെ വാക്കുകള്.
നിരവധിപ്പേരാണ് പോസ്റ്റിനു താഴെ സല്മാനുളിന് ആശംസകള് അറിയിച്ചെത്തുന്നത്. പോസ്റ്റിനുതാഴെ കമന്റുമായി സല്മാനും എത്തിയിരുന്നു. ‘എന്റെ ജീവിതത്തിലേക്ക് വന്നതിന് ഒരുപാട് നന്ദി! എനിക്ക് നിന്നെ ജീവനേക്കാള് ഇഷ്ടമാണ്. മാഷാ അല്ലാഹ്’ എന്നായിരുന്നു സല്മാനുള് കുറിച്ചത്.
ബാലതാരമായാണ് മേഘ അഭിനയ രംഗത്തേക്ക് എത്തുന്നത്. എന്ജിനീയറിങ് ബിരുദധാരിയാണ് സല്മാനുള്. ഇരുവരും സീരിയല് പ്രേക്ഷകരുടെ ഇഷ്ടതാരങ്ങളാണ്. 'മിഴി രണ്ടിലും' എന്ന പരമ്പരയിലൂടെയാണ് ഇവര് ജനശ്രദ്ധ നേടുന്നത്.
